عيد زواجي بس ها المره اتمنى اتكون ابفندق

ماحبيت ادش وماارد عليج
تبين الصج زوجي يقول شهالبدع والخرافات احنه مو بالجاهليه
وااااااااااااااااااااااااااي يحرني
ودي احتفل فيه بصراحه
متخلف نوعا ما

لوووووول

عقبال مليون سنه يا قلبي وانشالله البنات يساعدونج والله يهنيكم انشاءالله

حبيبتي مايسيررر تروحين وبعدين اترتبين الغرفه بروحج لازم ادشين الفندق وريلج معاج وقت الليله اللي انتي حاجزتها هذا عيبهم ومعاكم البطاقه المدنيه وعقد الجواز يعني ماراح تسير مفااجاه وحتى لو كلمتيهم ماراح يرضون لازم ريلج يكون معاج يشوفون منو الشخص اللي بدش معاج عرفتي نظامهم خايس انا بغيت اسوي حركات بالغرفه وانثر ورد وسوااالف وايد كنت ودي اسويها واترس البانيو رغوه وورد بس ماصاااار لانه وقت اللي رحت عشان اخذ المفتاح قالولي مايسير لازم يكون ريلج معاج ودقيت عليه قتله تعالي انا بالفندق الفلاني عازمتك ويالي ونطرني على مالبست وخلصت بس ماصارت مفاجاه تحسفت اني حجزت

صح كلام كتكوته وكيوته فنادق الكويت نظامهم ان عقد الزواج لازم يكون موجود أو بطاقتج وبطاقة الزوج كافية "اذا كانت بنفس العنوان"
المهم أنا وايد حجزت فنادق ودايماً الحجز يكون باسمي واسم زوجي ويكون بالتلفون أو اني اروح الفندق قبلها باسبوع أو أكثر واحجز وبنفس يوم الحجز لما أروح هناك بس ندفع الفلوس ونستلم الغرفة .. "يعني هم بتكون مفاجأة له"
بذكرلج أسمي الفنادق والمنتجعات الي سكنا فيها بس بالبداية بقولج عن طريقة تحضيرج للمفاجأة ..
طبعاً أول شي دقي على الفندق الي بتروحوله قبل اسبوع تقريباً أو أكثر عشان تلقين حجز أو تقدرين تروحين الفندق وتحجزين غرفة باسمج بتاريخ الي تبينه وطبعاً بيذكرونج ان الغرفة حق عوايل وقوليلهم انها حقج وحق ريلج ..
وعقب قبل روحتكم الفندق بليلة جهزي جنطة صغيرة وحطي فيها كل شي تبينه انتي وريلج من هدوم طلعة وهدوم بيت وملابس داخلية وليفة وعطور وديدورون و و و الخ وحطيها بدبة سيارتج أو سيارته "السيارة الي بتروحون فيها"
وباليوم الثاني قعدي الصبح وقعديه وقوليله انج عازمته على مكان ولا تقوليله وين وبالطريج انتي دليله على مكان الفندق وقوليله مثلاً روح يمين روح يسار .. الخ ليما توصلون الفندق .. نزلي ونزلو أغراضكم وروحي شوفي حجزكم ..

بنسبة للفنادق .. بنسبة لي أكثر ثلاث فنادق ارتحت فيهم وحسيت بالرومانسية والهدوء هما موفنبيك البدع "اخذي غرفة عالبحر وتكون تحت لا تاخذين فوق لأن القعدة بليل تحت وايد أحلى خاصة بهالأيام"
وموفنبك المنطقة التجارية وايد حلو وهادي بس مايطل عالبحر "اخذيلج غرفة تطل على حمام السباحة ويكون بالطابق الأرضي … لأن القعدة بليل وايد حلوة صوب حمام السباحة هدوء مو طبيعي"
وهيلتون وايد حلوو وهادي بليل .. اخذولكم غرفة عادية بالفندق أو شاليه غرفتين على حسب امكانيتج .. وناسة بليل تتمشون عالبحر وتروحون ستار بكس وتقدرون تعشون بالمطعم الأسيوي الي صوب البحر

وعندج مارينا حلو وايد بس احنا رحنا بفترة كان وايد زحمة .. ونصيحة بعد اخذيلج تحت وناسة بليل الجو عليل والقعدة برة عجيبة
عندج فندق كورت يارد ماريوت الي بالراية هم حلو بس هو عملي شوي يعني مافي لا بحر ولا شي بس حلو تقدرين انتي وريلج تتمشون بالراية وتروحون تقعدون بكوفي ..

فندق هوليدي ان الي بالسالمية بالبلاجات ماعجبني وايد لأنه وايد زحمة ووايد باردين بخدمتهم ..

فندق لووو موريديان حلو مافيه شي والحلو الي فيه تاخذين غرفة تطل على الخليج والبحر .. وناسة الصبح أول ماتقعدين تفتحين الدريشة وتشوفين البحر ..

منتجع شيك وييييييييييع بمعنى الكلمة .. الغرف ماعجبتني وايد وغير هذا وايد ناس يدشون من برة المنتجع عشان حمام السباحة .. فما ماراح تحسين بالهدوء كلش ..

عندج بعد هوليدي ان الي بدسمان حلو بس نفس طقة كورت يارد الي بالراية يعني عادي عملي مافيه شي ..

سفير بستكي عادي مافيه شي مميز .. وما أنصحج فيه ..

في فندقين رحت أشوفهم بس ما حجزت فيهم وهالفندقين زينين مافيهم شي بس المشكلة بالمكان الي فيه كلا زحمة وصوت هرنات واذا طليتي من الدريشة بتشوفين زحمة وهنود يعني مافي هدوء كلش .. وهالفندقين هما شيراتون بالديرة والمنشر بفحيحيل

ونصيحة اخذي الفنادق المعزولة الي تكون صوب البحر عشان تحسين انج صج معزولة عن الناس بهاليوم الحلو ..