غداي اليوم صدور الدجاج بصلصه المشروم مع الخضار مع صورهم

لايطوفكم وايد لذيذ سووه ماتندمون

شوفوه عشان تتشجعون

عاد ماصورته الا لما خلصنا غدا نسيت هههههههههه اشوا بقى

المهم المقادير

صدور الدجاج انا شاريته من كارفور عجيب تشوفينه بجيس مثلج فيه 7 قطع صدور بس كبار راهين انتاج اماراتي

تتبلينه بعصير ليمون مع خل و3 فصوص ثوم وملح وفلفل اسود وزيت زيتون وقفشه دقوس بوديج وخليه ساعتين منقع

علبه مشروم مقطع

بصله مفرومه

نص علبه اواقل من كريمه كي دي دي

والسر بالنكهه الحلوه جيس بورده صوص الدجاج بالمشروم والليمون تحصلينه بستي سنتر نفس جياس شوربه ماجي
بس صناعته انجليزيه سعره تقريبا ب750 تشوفين منه عده نكهات شي حق الخضار وشي لحم انتي اخذي مالت الدياي

الطريقه

تشيلين الدياي من التتبيله واذا حبيتي رشي عليها شويه زعتر واشويها على الشوايه الي عندج بعدين صفيها بصينيه الفرن

الصلصه

اخذي البصل وحمسيه بزيت يمكن قفشتين كافي لاتكثرين لما يحمر البصل حطي عليه الفطر وحطي عليه فلفل احمر بودر اذا تحبين النكهه الحاره

اللحين تاخذين بودره صلصه الدياي وتذوبينه بكوب ونص ماي مع ربع اونص علبه الكريمه حسب ذوقج
بعد ماتذوبينها صبيها على المشورم وخليها تغلي عالنار

بعدها صبي الخلطه فوق صينيه الدياي وبالفرن خليهم مابين ربع الى ثلث ساعه لما تتشرب الصلصه

وقدميها بالعافيه مع الخضار والبطاط والي تحب مع العيش هم لذيذه
[IMG][/IMG]

انا احبها مع خضار السوتيه والبطاط المسلوق مع قشرته وبعدها اشويه بالفرن مع زيت زيتون وزعتر

[IMG][/IMG]