فنادق مكة الحلوة والقريبة من الحرم

أول شي الله يحفظكم إن شاء الله ويتقبلها منكم..
وثاني شي أنه أحسن فندق عندي بصراحة ومن غير منازل فندق هيلتون مكه جبال الحرم وكل شي عندج بالفندق غير جني إخذوا السويت ..سويتاتهم حلوه وكبيره إحنا كنا نروح 10 أنفار وما شاء الله كفاني شي بالغرف وشي بالصاله غير هذا مطل على الحرم .. وهذا موقعهم حبوبه..http://www.hilton.co.uk

بعد قلبي ماسويت شي
شوفي يالغاليه هو غويلي شوي يعني ليلته 150 دينار تقريبا ولازم تحجزين من الكويت قبل لاتروحون لأن عليه ضغط وايد ما شاء الله ..بس صراحه يسوى أنه جربي سويت زمزم بس مو نفسه هذاك شي حده..وإنتو براحتكم..

هلتون مكه شي يشرح الصدر واايد حلو في غرف بينهم باب احنا خذينا منهم لنا وللأولاد وفي سويت بس ماشاء الله حتى الحمامات ودج اتنامين فيهم من نظافتهم

شوفي حبووبه

عندج زمزم حلو بس ان اصنصيرين عشان توصلين الحرم وابراج مكه هم حلو بس عيبه الاصنصيرات حيل مزحوومه يعني ان طلعتي متأخرة للصلاه ما توصلين ويقولون دار التوحيد زين ما جربته
والله يسهل عليج ولا تنسينا من صالح دعاءج

شوفي حبيبتي اناتوني راده من مكه يلحلوها تهبل تحسين بروحانيه عجيبه وسكنا ابراج زمزم اخذنا سويت غرفتيتن وحمامين وصاله ومطبخ فخم وحلو ومطل على الكعبه ورحنا وسط الاسبوع ماكان في زحمه وايد………….