قالوها " لولا الحسد ما مات احد "

السلام عليكم ورحمة الله وبركاته

انا مو متزوجه بس داشه القسم بالغلط

لا مرات اخذ جولة على المواضيع وخاصة اللي تعرض مشكلة إذا فيه مجال ابدي رايي وانصح ما اتردد

المهم انا ملاحظة شغلة من مده مضايقتني وقلت افرد لها موضوع احسن وخاصة اني لقيت هني موضوع مثال حي للي بقوله

ليش المره ما يملي عينها شي ؟ ليش تطالع برا ؟ وليش تقارن نفسها بغيرها ؟

بعرف بس ليش الحسد ؟

إذا شفتي وحده احسن منج بأي شي يبا الله يرزقها اهم شي انتي راضيه عن نفسج وعن حياتج واحمدي ربج في ناس مو لاقيه تاكل ..

لو نعدد النعم اللي الله من علينا فيها ماراح نخلص .. الحمد لله كلنا عندنا بيوت محنا ساكنين بالشارع والحمد لله بصحتنا ناكل ونشرب ونشوف ونسمع كل هذي نعم ومع هذا مو مقدرين

إذا شافوا وحده مع زوجها بالسوق ما بقت كلمة ما قالوها .. لدرجة استغفر الله تقارن شكلها بشكل المره وتتطنز على خلقتها شنو شايف فيها زوجها وشلون يطلعها ؟

والله احس فيه ناس الله ما يوفقها لانها مو وجه نعمة .. الطمع والحسد بدمهم لو كل شي عندها بس ماتبي احد احسن منها

يمكن مواضيع واجد طرحت قضية الحسد والعين من منظور ديني وإجتماعي بس انا بغيت اتكلم عن هالقضية لانه شايفه ومعاشره حريم من هالنوع وهم لمست هالشي بالردود بالمنتدى

اللي تقول " وحده فيها وفيها جيكره ورفله ومدري شنو وزوجها يحبها وما يشوف غيرها " طيب شاللي حارج انتي

والله لو كل وحده اقتنعت باللي عندها وحمدت ربها وفكت الناس من شرها الله بيوفقها وبيحسن من وضعها .. لكن استغفر الله الله مو مبارك لها بشي من الحسد ولانها اصلا ً لاهيه عن النعم اللي عندها

ابي كل وحده فيكم الحين تاخذ ورقة وقلم وتكتب النعم اللي الله عطاها اتحداكم ان ما امتلت الورقة وانتوا ليلحين ما خلصتوا " وإن تعدوا نعمت الله لا تحصوها " احمدوووا ربكم عاد وبسكم مقارنة بغيركم

<<<< بردت حرتي