قهروني حلويات الروماني دخلو وشوفو شللي صار

السلام عليكم
مع اعتذاري للاعلان اللي نازل من الادارة لهذا المحل
بس
انا بقول تجربتي الفاشلة وياه
طبعن انا خبري بحلويات الروماني من سنة
وحدة معاي بالدوام يابت منه حلو مدور ولونه اسود (حلو اوريو)
وكان من داخله في شي يقرمش مادري شحاطين فيه
انا ما انكر ان شكل الحلو نفسه مو شي وشكل الصينية كان مبين انها رخيصة
يعني التقديم ماكان بذاك المستوى
بس الطعم كان وااااااااااااااااااااااااااااو
وطبعن بالزوارة طلبت منه واحنا زوارتنا تصير ببيتنا
يعني اللي بيوننا اهما الضيوف مو احنا !
وطبعن استانسو عليه لدرجة قامو كل جم اسبوع يقولون لي ييبيلنا الحلو الاسود
عقبها بفترة طلبت منهم نفس الحلو
الا زايدين سعره (للامانة ناسية جم كان وجم صار)
وقالو لي ما نقدر نوصله لج بروحه لان لازم يكون اقل مبلغ حق التوصيل 5 او 6 دنانير
فاضطريت اطلب اي شي ثاني وياه بس عشان يوصلونه لي
ولما يابوه كان ( حجم الحبة نفسها اصغر من قبل ) + ( سعره اغلى ) + ( مغيرين التزيين وصاير هلاقة يعني كانو حاطين فوقه وردة لونها ابيض وما ادري شنو العجينة مالت الوردة لا وبعد لازقينها على حبة الحلو بكاكاو والكاكاو مبين شكله يعني كان كلش مو مرتب ) + ( الطعم غير وماكو شي من داخل يقرمش )
عقبها قلت ماني طالبة منهم
اليوم عندنا زوارة وفصلو علي يبون حلو الاوريو
انا قلت يمكن ان الناس احتجو عليه وردوه على القديم
دقيت وطلبت
اول شي قال لي احنا الحين ما نسوي صينية كاملة كلها اوريو
نسوي صينية حلو قهوة من بينها حلو الاوريو !! وسعرها 6 دنانير ونص !
رضيت وقلت له اوكي بس كثر لي من الاوريو
وقال 45 دقيقة ويوصل الطلب
ننطر وننطر .. يا الطلب متاخر
ابطل ولا يايبين لي صينية فيها حلو قهوة .. بس ماكو ولا حبة من حلو الاوريو
دقيت عليهم وقلت له السالفة كذا قال اوكي ندز لج الحلو مرا ثانية واللي يوصله لج ياخذ القديم
وعشان غلطتهم قلت له مابي صينية حلو قهوة ابي الصينية كلها اوريو
قال اوكي
وننطر ننطر واهلي بيروحون وليلحين ما وصل الحلو
لما وصل بطلته ولا ( شكل الحلو صاير بالطول ولازقين عليه هم وردة لونها فسفوري وهم لازقينها بكاكاو سايح ) + ( الصينية اللي كانو حاطين فيها الحلو شكلها كان اغلى من الحلو نفسه يعني انا شكلي دافعة 3 دنانير على الصينية بروحها والباجي دافعته على الحلو )

لما كليتها ولا شمسوين ؟ محشينها من داخل جوز هند على عجينة مادري شنو اهيا
والاوريو من برا يمكن سماكته بروحه ما تتعدى 1 مل !
والطعم لوووووووعة
بنات تخيلو اوريو مع جوز هند !! شكوووووووووووووو
استغفر الله يا ربي الله يديم النعمة
وعلى هالتخبيص والله الصينية دينارين حرام فيها
على قولة ابوي انا علبة جوز الهند اشتريها بنص دينار !
وطبعن دقيت عليهم وشرشحتهم واهم شي انه يقول لي هذا حلو الاوريو اليديد !
قلت لهم ماني طالبة منكم بعد
بس انا ابي اعرف
انتو سويتو حلو ونجح نجاح مو طبيعي
تقومون تغيرونه ليش ؟؟؟
عندكم افكار سووها منتج ثاني
ليش تحطون تعديلات ؟؟؟
لا من زين التعديلات
وردة هنود وكاكاو سايح
انا ادري ان قطع الاعناق ولا قطع الارزاق
بس صج صج قهروووني