كبسة الدجاج احلا من كبسة الطازج .

مرحبا بنات
طبعا هالطبخه ع طريقتي الخاصه وسهله حيل
واذا اكلها زوجج الله يعينج كل يوم بتسوينها

بسم الله نبدأ :ـ
اولا دجاجه تقصصينها ارباع
طبعا انا اخذ الدجاجه وانقعها بخل التفاح وماي
ليييييييييييييش؟؟؟ علشان الزفره تروح بالمره
لمدة ربع ساعه
والعيش نقعيه وخليه اكثر من نص ساعه
معلوووووووومه كل ماتنقينه اكثر يصير احلا

المهم ///
تقصصين بصله كبيره وطماطه كبيره مربعات صغار
وتحطين بالجدر
دهن وتحمسين البصل والطماط لين مايتغير لون البصل
وتاخذين الدجاجه (طبعا تغسلينها من الخل)
وتحطينها بالجدر فوق البصل والطماط
وتحطين بهاراتج(كركم /فلفل اسود/ وشوية فلفل احمر /لومي/دارسين اعواد /ومسمار خمس حبات/
وشوية هيل مطحون)
وبدال الملح اربع حبات مكعبات ماجي(طبعا الماجي يكون فيه حبتين )
الماجي الاحمر الملح
طبعا جذي مظبوط الملح 100%
وتسكرين الجدر وتخلين ريحة البهارات تطلع عالدجاجه
مدة عشر دقايق
وبعدين تجيبين ماي وتحطينه بالجدر علشان الدجاجه تستوي
انا طبعا اخلي الدجاجه ساعه علشان تطلع مضبوطه
وقبل لاتصير ساعه اخذ من الساعه عشر دقايق
علشان اقصص بطاط مربعات صغار واحطه بالجدر
مع الدجاج
وبعده اشخل العيش واحطه مع الدجاج
واول شي اعلي عالنار مدة خمس دقايق وبعدين اقصر عالنار
واغطي الجدر واخليه وبعد نص ساعه يكون كل شي جاهز
العيش نثري والدجاج مستوي
ويطلع يييييييييييييييييييييييييييمممممممممممممممم
وعليكم بالعافيه
وادعولي الله يحفظ لي زوجي وعيالي