لبنات التربيه الاساسيه فقط لا غير رجاءا ما نبي وحده مضيعه من الجامعه

سلاااااام

بعد طلب البنات لي ان احط هالكلام بموضوع بروحه لان كان رد بالتجمع مالنا
لتعم الفايده اكثر …

هذا ردي كان الصبح وبالتوفيق ان شاء الله

………………………………………….. …………………

——————————————————————————–

صباح الخير لكم جميعاً …
شلونكم … شخباركم ؟؟؟
شكراً لكل اللي سأل عني فديتكم سواءً بالخاص ولا بقروب =)
بس كنت حدي busy

حبايبي عندي هالكتب اللي تبيها تدز لي عالخاص بدال ما تشتري
مستعمله استعمال نظيف << حشا سياره مو كتاب
بس اللي بتاخذ كتابي الله يعينها لأنها بتلاقي بكل صفحه كاتبه فيه اسمي ولا توقيع << عادي حاله نفسيه تصير باحسن العوايل

واذا شافت فضايح ولا شيء خل تستر علي يمكن لا سمح الله حاشه باحد او اي شيء << الشيطان شاطر بعد

هذي الكتب …
1- ثقافه اسلاميه
2- كويت وتنميه
3- سيكولوجيه النمو ( كتاب ماجده خليفه ) << لان كتابها غير عن باجي الكتب المقرر
4- مقدمه في تكنولوجيا التعليم
5- مذكره تكنولوجيا اجهزه تعليميه ( استاذه رباب )
6- مناهج بحث
و بـــــــــــــــــــــــــــــــــــــــــــــــــ ـــــــــــــــــــــــــــــــــــــــس

اللحين مبدأياً ابي ولا عليكم امر …
1- مذكره علم نفس تعليمي
2- مناهج
3- سيكولوجيه الابتكار
اتمنى لكم جميعاً التوفيق والنجاح بهالكورس
واللي عندها انذار تشيله واللي ساقطه تعيد الماده و تنجح و اللي تبي تحول تحول واللي تبي تتفوق تتفوق …
جد بنات استغلوا هالايام لا تضيع من عمركم وتندمون نبي نجاح نبي تطور نبي نبدع ونتطور خلونا نتافس على التفوق وعلى الابداع

بذمتكم الاجانب الجياكر << محتره
شاحسن منا فيه احنا ترى والله اذكاياء وعباقره بعد بس ما نعطي من عمرنا تركوا القز شوي والعروس والحفلات والعزايم و عطوا كل شيء حقه عشان بعدين ما تندمون وتبجون
يالله فديتكم بالتوفيق
شعارنا هالسنه "" تبيها تفوق "" << حلو والله الشعار
جد والله بنات لي متى الجامعه احسن منا اكادميا ونزعل اذا قالوا الجامعه احسن منكم
واحنا كل همنا لبسنا وكشختنا وفرارتنا
يبا كشخي ولبسي واستانسي وضحكي وسوي اللي تبينه بس عطي كل شيء حقه و كل شيء وقته والله يا بنات هالوقت راح نسال عنه يوم القيامه واحنا قاعدين حاطين ايدنا على خدنا ولا نقول ليش الكويت مو متطوره مثل دبي << اهم شيء تدش دبي بالسالفه او الدول الاجنبيه
هذول يقدرون الوقت هذوول يبدعون هذوول يتنافسون على القمه
واحنا نبي ناخذ بس ما نعطي ليش ؟؟؟؟
تكفون نبي هالسنه نثبت للمجتمع كله ان كليه التربيه الاساسيه غير و كليه التربيه الاساسيه مو كسالا ولا مهملين ولا على البركه
ملينا من كلام الدكاتره انتوا مو مثل الجامعه وانتوا فاهمين الدراسه الجامعيه غلط وانتوا وانتوا وانتوا << هذا هو الاحباط وهذا استحقار لقدراتنا
ليش تشوف عمرك انت تعلم الغيب انا يمكن اصير احسن منك 100000000000000000 مره
– انزين همن انتوا بعض الدكاتره مو الكل
نظامكم تبي الـ A ضحكي معاي وسولفي و نظام المغازل معاهم صار اشكره وعلى العلن
– والجزء الثاني انتي شنو عايلتج شنو اصلج شنو مذهبج
– والجزء الثالث نظام اعرف ابوج اضبطج بالـ A ويضبطني ابوج بالواسطات …
– الجزء الرابع نظام الخز اللي مو طبيعي ولا يلبسون نظارات شمسيه بالمحاضره عشان يخز على راحته
– ما انكر الجزء الخامس واهوا الاحب على قلبي هم الدكاتره المحترمين اللي لي ضحكوا ضحكوا باحترام و يعدونا حسبه بناتهم وخواتهم واللي هم جد جد القدوء الحسن اللي استفدنا منهم حتى لو بشيء بسيط وهم يستاهلون الشكر من كل قلبي وفضلهم هذا ما يتقدر بثمن ومستحيل انساهم مع الزمن نهائيا
<< الاجزاء الخمسه يخص الدكتورات والدكاتره ككل

جد ملينااااااااااااااااااا مليناااااااااااااااا
نبي هالسنه تغير جذري بكل شيء بالكليه
<< انا ما كلمتكم جذي الا لاني عادتكم حسبه خواتي وامون عليكم
ومجرد شويه فضفضه لا اكثر واقل
<< شوي وانزل مجلس الامه لوووووول
بنات لا تنسون انكم مدرسات ومشروع مربيات اجيال والمدرس قدوه وانتوا ان شاء الله قدوه حسنه
} اسأل الله لي ولكم التوفيق والنجاح فيما يحبه ويرضاه {

Marci boucoup
=)