لحقواعلى رفيجتي بتموت من القهر!!!!!!!!

مادري اسلوبج بالكتابه مو واضح
بس اللي فهمته الحين انها تبي ريلها يقدر اهلها مثل ما اهي امقدره اهله

بس ريلها مو ناسي المسابب اللي صار بينه وبين اخوانه

شوفي الريال ما ينلام وادعي ان الله يهديه وسالفه انه كان بيدق على امها بس جان خلته يدق وتالي اتساحله لين تدش اهي مع ريلها على اخوانها

انا برايي انج تكلمين اخوانج انا هو ليلحين شايل بقليه السب وتخلينهم يدقون يباركوله ويطيبون خاطره هالمره عشانج ويعزمونه يمكن جذي يبرد ويلين

اما علاقتج باهله لاتخربينها

حبيبتي انتي نصحيها وهوني عليها اهيا فاهمه الموضوع وماخذته بعناد!!!

قوليلها ان الرياييل ماينفع معاهم العناد ولاكبر الراس
قوليلها تكلمه وتهون عليه ومثل ماقالوا البنات تقوله امي تسأل عنك ودقت بتباركلك بالشهر بس ماكنت موجود وقوليلها ترد علاقتها بخالتها وحمولتها نفس اول
دام اهيا معاهم بنفس البيت اول شي اونسلها تروح وترد عليهم وثاني شي اذا ريلها شافها مع امه وخواته زينه وسنعه اكيد بيقارن نفسه فيها وعلى الاقل يدق على امها
قولي يمكن مايدق يبارك لها بالشهر !! كاهو ياي العيد وان شاءالله يدق عليهم او حتى يروحلهم اذا شاف مرته واقفه معاه ومهونه عليه
ترى مالها غير ريلها لاتشيشه اكثر من ماهو شايش ترا الرياييل ماينسوون الاهانه لو شنووو

ولاتذكره وايد بهالسالفه خليها تنسييييه

والله يهديهم ويخليهم لبعض

بصراحه والله انصدم منكم يعني شنو نظامكم كله مساحل ولاتزعلينه وبعدين شنو يعني تظل ساحل فيه غلطان ولا مو غلطان والله نظامكم غريب وبعدين لي صار مالكم راي ولا شي تعالوا وتحلطموا وبعدين انتوا حاطين اهله واهله لا والله الي هو مايقدر اهلي ما اقدر اهله هني راح يحس ليش انا افكر فيه واخلي اهله على راسي وهو لا وبعدين كرامه الريال وما ادري شنو يتراوالي هي قالت انه مشاكل بينهم واخوانها اتوقع ماغلطوا عليه مني والطريج ولا يبي خوانها ينسون وهو يظل شايل بقلبه لا والله مو سالفه الوحده تحس زوجها مقدرها لي قدر اهلها المفروض هو يروح يبارك قبل لاهي تبارك الحمدلله والله زوجي ولا اييب له طاري هو يدق ويزور ويبارك بس بصراحه ما ادري شتسوي معاه يا انها تصير تطنش اهله وتخليه يحس انها متغيره معاهم لان هني يمكن يحس بشعورها يا انها تبين له ان اهلها ماراح يموتون لي لي هو ماسلم ولا مابارك يبا الاعمال بالنيات والله يصبرها ويعينها يارب ويلين قلبه

الله يهديكم

انا عمري ماجبرت زوجي يسلم على امي واهلي

لي بغى ابوي الله يطول عمره يعرف مكانه ولي بغى امي يعرف مكانها….

وعلى راي استبرق اهلي مو ميتيين لي مازارهم عايشين بلاه وعيالهم حواليهم,,,,,

الزوج دايم جذي يخف على اهل الزوجه بالكويت

مع انه الزوجه الحموله لها اهتمام رئيسي يعتبر بمجتمعنا,,,,,,

دايم تفكر بدراريع زوارتهم وشنو تاخذلهم برمضان

انتي بينيله شي عاااااااااااادي قولي خواني مو ميتين عليك جيت ماجيت واحد

وخالتج شذنبها اذااااااااااااااااااا هي زينه وما تشيشه في خالات اللهم ياكافي

خليج طبيعي

بس خففي زياراتج لاهله زوري ولا تزورين خليج محيره محد يعرف شوراج

غلط انها تعامل اهل زوجها كذيه لانه مالهم ذنب فى اللى يسويه زوجها اذا كان زوجها قلبه مومتسامح وعقله صغير هة لاتصير نفسه مومتسامحه وتحط اهله بين عيونها ….

اهله مالهم ذنب حبيبتى فى اللى تسوينه فيهم
وزوجك ان شاء مع الايام والوقت الله راح يهديه ويرجع علاقته لهلك