للي طلب مني طريقتي في عمل مرق الباميا وعيش بخلطه البهارات تعالو

+++++++++++++++=====

الطريقه

انا اخذت الحم وغسلته ونظفته واحطه على النار مده خمس دقايق مع كوب ماي بعدين اصفيه من الماي

بعدين ارد احط اللحم مع ماي مغلي تقريبا لترين او اكثر مع ليمون اسود عدل و4 طماطات مبشورين او مهروسين وخليه على النار ساعه ونص تقريبا واذا على جدر الذقط خليه ساعه وبين فتره والثانيه اذا احتاج ماي زيديه

قصصي راس بصل كبير وحمسيه بالزيت وانا احط معاه قفشه صغيره كركم

واخذي اللحم بعد ان استوى اكثر من نص سوا وحمسيه مع البصل مع 5 فصوص ثوم عدلين وقفشه كبيره بهارات مالت المجبوس ورشه فلفل احمر

وحطي معاهم الباميا الطريه واحلى شي الباميه الايرانيه

وقلبيهم مع بعض مع اضافه نص علبه معجون طماط والملح

وخلي اللحم يحمر مع الحمسه

وحطي ماي فوح اللحم عليهم وزيده ماي بحيث يغطي الباميه واللحم

نقعي 3 قفاش كبار صبار بماي مغلي وهرسيه وصفيه من الطعام وحطيه على المرق وخليه يغلي بعد مابين نص ساعه الى ساعه الا ربع الى ان تستوي الباميه ولاتنسين تظبطين الملح وممكن بالاخير تحطين عليهم عصير نص ليمونه كبيره

وقدميه مع العيش

اللحين بحط طريقه العيش

اولا تغلسين العيش ونقعيه مده ساعه تقريبا وحطي ماي النقع قفشه صغيره ملح وقفشه صغيره خل ابيض

بعدين حطي ماي على النار وحطي فيه قفشه كبيره زيت ذره و2 قفشه كبيره ملح

وحطي مع الماي المغلي قفشه وسط كمون حب مع رشه جوزه الطيب ومسمار مطحونين وربع قفشه زنجبيل بودر مطحون وقطعه صغيره يانسون صيني

اذا غلى الماي حطي العيش بعد ماصفيتيه من ماي النقع

بعد مايستوي العيش حطيه بمشخل كبير

واهو بالمشخل حطي على العيش فلفل اسود مطحون خشن تقريبا ربع قفشه وسط

وردي العيش بجدر فيه شويه زيت وحطيه على نار هاديه ويفضل تحطين تحت الجدر قطعه حديده اوصاجه

وسويه حمسه بصل وحطيه على العيش

وقدميه مع المرق