ليش الرياييل جذي ليش كله احنا المنسيين ليش كله احنا اخر شي بحياتهم

السلام عليكم

بنات انا ما كتبت هالموضوع الا من الحره و القهر الي فيني
لو كتمته اكثر جان انبطت مرارتي جان انجلطت جان طحت بالمستشفا
ادري في بدليات وايد راح يكون بالحجي مو لان ما اعرف اكتب لان كي بوردي خربان
عشان جذي اعتذر بس اتمنا تفهمون الي قام اكتبه

بنات انا صار لي سنتين متزوجه وعندي بنت..
ريلي ظليمته شينه اذا قلت لكم في يوم من الايام قلل من احترامي
او طقني او غثني بكلمه او طلبت شي و ما سواه
بالعكس متفهم و طيب و كل شي
بس في شي ذاااااابحني و مخي قام يفتر يعني ما ادري انا الغلط ولا اهو
ما ادري انا الي توقعاتي مو واقعيه ولا شنو
مادري انا مخي قام يالف اشيا مو موجوده و قام اوسوس ولا شنو
من اول ما تزوجنا.. يعني اول يوم ملجه،، مثل ما قلت لكم طيب و محترم و متفهم وكل شي
بس بنات ما حسيت بحب ولا يعني الريال الي طاير بمرته
مو قصدي اقارن بس ترا احس بالنقص لان الي اعرفه الريال لمن يتزوج يستانس يطير
يكلم مرته بالتلفون يسهر بالليل يقوم الصبح يدز لها مسج
اي شي من هالسوالف الي تحسس المره بانها شي بحياته
بس بنات انا ما صار معاي ولا شي من هذا
اصلا كان عادي عنده يمر يوم يومين ما يشوفني و هالحجي ترا اول شهرين مو تقولون ملجتنا طويله
عادي ما يكلمني
عادي كلش يعني ما يشتاق
و لمن تزوجنا و صرنا ببيت واحد.. قلت يمكن ذاك الوقت راح يتغير الوضع
لا بنات
من اولها،، يرد البيت ما يسولف يجابل التلفزيون، الاي باد الاي فون المادري شنو
بس بالليل يتذكرني و يقعد يحضني و مادري شنو ويقولي كلمتين بس
الله شحلاه النومه يمج ،، الي انا اقول الله الحين بيسولف الحين بيفتح قلبه
بعدين يقول يلا تصبحين علا خير خنام

و لمن يسافر يروح العمره امبي ما يتذكرني كلش يعني ادري مشغول وجذي بس
مافي باليوم كامل دقيقتين يدز لي فيهم :اشلونج؟ انا بخير لا تحاتين؟؟

الحين انيي للطامه الكبرا
يوم ولدت و كنت بالاربعين و ولادتي كانت عسره و بنتي بالشيشه
وقعد بروحه بالشقه
تقولون اشتاق لي ؟ سال عني ؟
والله ما يذكرني و بهالاربعين يوم يمكن زارني سبع مرات 10 دقايق و يطلع!
و الحين اهوا مسافر رايح امريكا،،
بنات ما يكلمني
ما يسال
بنته دشت مستشفا
و نفسيتي تعبت محتاجته
صج ما قلت له لان بصراحه خفت عليه واهوا بالغربه راح يصير فيه شي اذا دره
اهوا يموت علا بنته
وصج ما بقوله بس ابيه محتاجته يكلمني بحس بحنانه
ماااااكو
كلمته عاتبته
و ماكو فايده
وانا ادري ان رايح شغل بس شدعوا ماكو وقت فراغ

انزين ادري فرق التوقيت كبير بس شدعوا ماكو واتساب يكلمني فيه علا ما ارد عليه ؟
انرين فرضنا مشغول ما عنده وقت يكلمني واتساب.. الي ما عنده وقت يكلمني واتساب عنده وقت يسوي لي لابك بالانستقرام ؟؟؟؟!!

ادري بنات شنو بتقولون هذا شايف له شوفه و عنده وحده ثانيه و مادري شنو بس هالشي انا اقولكم مستحيييييييييل لان مر بظروف صعبه حيل لدرجه تخليه يحسب مليون حساب قبل لا يصير عنده زوجتين او يكون عنده حبيبه
وانا اعرف روتينه اليومي و صامته صم اهوا جذي طبعه متعبني
يخليني مو اني اشك فيه ان يحب وحده ثانيه مثل ما قلت لكم هذا شي بعيد
بس يخليني احس ان ما يحبني وانا اموت فيه
بنات وايد تعبت مادري شسوي وانا كاتمه هالشي بقلبي
و حاولت بكل الطرق اخلي يشتاق اخلي يحس اخلي يحبني بس مادري شسوي ياربي فقدت الثقه بعمري
الموضوع متعبني لدرجه مخليتني خايفه علا صحتي
و لدرجه تخليني افكر اهده
احس جنه مذله و اهانه عيشتي مع ريال ما يفقدني و وجودي و عدمه واحد

انا مادري شسوي… بس حبيت افضفض حسيت بنفجر
يعني وين المشكله فيني انا ؟؟ الي حطيت له قدر هالكبر ؟؟ ولا فيه اهوا الي مو حاطلي قدر بالاساس ؟

تعبت
اوكي في حجي يقوله في مواقف تصير احس اي اوكي انا غاليه يحبني بس اغلب المواقف تحسسني اني مزهريه عنده
يعني جنه الحجي و الاشيا الي قبل مجامله
عشان انا وايد مريحته اهوا ممشي الموضوع معاي جذي
عشان انا غير عن باجي الحريم و مو قصدي امدح نفسي بس عشان جذي عايش باله مرتاح
بس انا بالي مو مرتاح

انا اموت موت بطي