ما على الجاهل ملامهـ

تحملت زلات جاهل ما يعرف الحشيمه

تحملتها وقلت ما على الجاهل ملامه

ناقص عقل متعلق بالجهل كنه بهيمه

من عرفته وانا قايل على الدنيا السلامه

زل على حر الرجال زل والله غريمه

ما يقدر الرجال ولا ثمن بالقول كلامه

يا جاهلي انا معقل النود ومعانق الديمه

انا اللي بميلادي الفخر حقق احلامه

لا تحسب اني خالي الخاتمه والشيمه

مير من مثلك تحت الثرى مقامه

اخطيت بخوتك وهذي بحقي جريمه

خاويت الجهل وبالخفوق تربعت سهامه

جاهل خبل وكذاب منافق وراعي نميمه

كل الصفات الرديه لها بك علامه

مكسبي البعد عنك والبعد عنك والله غنيمه

لا ردك الله خاويت من خوتك كل الندامه

انا اشهد انك ميت وروحك من الجهل سقيمه

واشهد ان الميت يا المنافق الدفن اكرامه

تخطيت خطوطك الحمر وغلطتك عظيمه

وانا حروفي تفتت الصخر والجاهل تعصر عظامه

يكفيك فخر ان هجيتك بكم بيت وجاتك سليمه

نصيحتي لك لا تماشي الرجال لو بك كرامه

خلك بقرب امك ماش فرق بينك وبين حليمه

ترى محد غيري منهاجه ما على الجاهل ملامه

كلمات/شـــــــاعر اهــــــــات