متى ممكن يصير حمل بعد الولادة القيصرية؟

اقتباس:

المشاركة الأصلية كتبت بواسطة .>zajel<. والله ماعندي فكره :/ توكلي على الله وعسى الله يرزقج

مشكورة على مرورج زاجل أنا ودي انطر بس كنت بعرف متى مناسب

.
.

اقتباس:

المشاركة الأصلية كتبت بواسطة العفاسيه الدكتور قال لاختي تقدرين تحملين بعد 6 شهور .. بس افضل تحملين بعد سنتين عشان كل شي يرد مثل اول وعدد مرات الحمل 5 اطفال هذا المعروف والي اعرفه

الظاهر الدكاترة مدارس بهالموضوع، قاعده ابحث بالنت لقيت دكتور كاتب ان مايصير اكثر من 3 حملات وبس، وكاتب لازم بعدها ربط عشان الوحده تضمن ماتحمل.
مشكورة عالمرور والإفادة

.
.

اقتباس:

المشاركة الأصلية كتبت بواسطة جارة القمر أغلب الدكاتره ينصحون بالحمل بعدسنتين من الولادة القيصرية والله يرزقج حبيبتي

جاره حبيبتي تسلمين لي على المرور وعلى الدعاء، والله يرزقج باللي بخاطرج يارب

.
.

اقتباس:

المشاركة الأصلية كتبت بواسطة سحابه صيف للرفع الله يبعدنا عن القيصريه يارب ويهون علينا طبيعي

الله يسهل عليج سحابه، وتولدين طبيعي ان شاء الله ومشكورة عالمرور والرفع

.
.

اقتباس:

المشاركة الأصلية كتبت بواسطة كتكوتة زوجها انا قالتلى الدكتورة بعد سنة تحملين وعلى حسب فى 5 و6 و7 الله كريم اهم شئ السلامة وسلامة البيبي

صاجه والله أهم شي السلامة، والله يسهل على كل حامل ويرزق كل وحده بخاطرها تحمل يارب، مشكورة عالإفادة

.
.

اقتباس:

المشاركة الأصلية كتبت بواسطة زهرة الزهور والله احسن شي بعد سنتين بس انا حملت بعد 10 شهور وكانت هم قيصرية باختياري وعشان ما يكون فيه خطر علي والله انا الدكتور قالي 5 بس فيه الي يجيبون اكتر بس مو زين على صحتج هادي عملية