محتااااره بين المدرسه والجامعه تعبااااانه من الحيره

تكفوووون بناااات ابي شوركم
او عالاقل رفيعلي الموضوع

ولكم الدعاء من قلبي

ادري غريبه سالفتي بس صج انا محتاره

القصه ….

انا كنت من سنه كنت بجامعه خاصه ودرست فيها اكثر من سنتين وتخصصي ادارة اعمال

يعني تخصص حلو وزين بس صارت لي مشاكل واايد بالجامعه المهم الله ما كتبلي التوفيق بالجامعه

ابدااااااااااااااااااااااا مو ضابطه سالفتي لا مع تخصصي ولا مع الجامعه ولا مع اداره الجامعه

حاولت احول لجامعه الكويت قالو ما يصير

حاولت اروح لكل مكان بالديره قالو ما يصير

قوليلي ليش ؟؟؟

لان جامعه الكويت تقبل ان اي طالب يحول لها من اي جامعه الا >>>>>>>>>> الجامعه العربيه المفتوحه

اخر شي حاولت اروح

للمعهد التجاري تجاري من بعدالشهاده الجامعيه وفرحتي بس قلت ماكو الا هالحل خو ابي اتخرج واخذ ورقه اسمها شهاده

حتى التجاري سكرها بوجهي قالو شهادتج قديمه وما نقبلج مع انها 2024

وقفت قيدي بالجامعه سنه وقعدت افكر وافكر وافكر

لا شغل و لا مشغله

بس ادعي وافكر

خطر على بالي اعيد الثانويه العامه

كلها سنه يعني كورسين الوقت يمشي بسرعه

بعدين قلت لاااااااااااااااااااااااااا انسي يا زينه هالموضوع

لان بيخلونج تعيدين ثانيه وثالثه ورابعه ثانوي

يمديني صرت عجوووووز >> للعلم فقط عمري 21

المهم قلبتها هالصوب وهالصوب

والا ادش لقسم الطالبات بكويتيات جان

انصددددددددددددددددددددددددددم !!!!!

قالو اللي تبي تعيد رابعه ثانوي واهي كانت على النظام القديم يعني مو على التراكمي

وينحسب لج المعدل من ميه لانج كنتي عالنظام القديم

انا مت من الوناااسه طلعت ملخصات لرابعه ثانوي وقريت كل الكتب تقريبا واستااااانست وااايد

طبعا اذا بعيدها مسائي وهم مدحولي المسائي قالو درجات بالهبل وانا احب الدراسه واحب انكرف واتعب عشان الدراسه

طيب

قولولي انا شبي منكم ؟؟

ابي شوركم

1___ اكمل بالجامعه مع اني اذا كملت استحااااااااااااااااااااااااااله اتخرج الا بعد اربع او ثلاث سنين

ويمكن ما امشي بالجامعه؟؟؟؟

والا

2___اعيد رابعه ثانوي وادش جامعه الكويت التخصص اللي حلمت فيه قبل اربع سنين ومو موجود بالجامعه العربيه ؟؟

بس انا خااااااااااااااااااايفه اكمل بالجامعه واعتفس مره ثانيه خاصه ان مشاكل جامعتنا ما تخلص وممكن تقرون بالنت عنها

وهم خااايفه اعيد رابعه ثانوي وما اجيب نسبه مع اني متلهفه للدراسه ومتشجعه بشكل لا يمكن لاحد انه يتصوره

واذا ما جبت نسبه راح انصدم صدمة حياتي وراح صج اعتفس بس عالاقل ممكن اجيب نسبه مو وايد زينه بس ادش فيها

التربيه الاساسيه مثلا

انا الحين ابي شوركم لان التسجيل للمدرسه بعد العيد وانا بهالوقت بصلي صلاة الاستخاااره

تكفووووووووووووووووووووووووون اكثر مره بحياتي احتار هالكثر

حلفتكم لا تنطنشوني