محتاجه لكم يااصحاب العقول تكفوووون ساعدوني

اخواني واخواتي انا في مشكله
وابي مساعدتكم
انا حامل بالرابع وباقي لي سنه في البكالريوس
وزوجي يبي يدرس ماجستير في منطقه ثانيه وناقل للمنطقه اللي يبي يدرس فيها
انا ساكنه مع اهل زوجي في نفس العماره ومو مرتااااااااااحه نهائيا لان امه تتدخل بكل كبيره وصغيره والباب الي بينا وبين اهله دايم مفتوح ويزعل اذا قفلته وامه كل وجبه تاكل معنا وتدخلات مالها نهايه مشكلتي ليست هنا
طبعا انا فرحت بالمرررررررررررررررره اني بانتقل لمنطقه ثانيه على اساس اني احول من الجامعه اللي انا فيها وحولت
واني راح افتك من الغثا اللي انا فيه
لكن تفاجأت انه مايبيني انتقل معه يقول اجلسي عند اهللك كملي دراستك ويبغاني اولد عند اهلي ويجيني في الإجازات
عذره انه بينشغل بحملي وولادتي وينشغل بجامعتي مع اني لازم اجيب سياره خاصه تنقلني للجامعه سواء في المنطقه اللي انا ساكنه فيها او انتقلت معاه

اهلي رافضين فكره اني اجلس سنه عندهم واترك زوجي وزوجي رافض اني اروح معاه
وانا ماابي اجلس ولا ثانيه بعد زوجي
انا بكر وهذا حملي الاول وابغاه يكون بجنبي وبعدين ولادتي في شهر 2 يعني نصف السنه وبعد ولادتي يجلس تقريبا 4 اشهر وبعدين يجي
انا وش ذنبي اني اتحمل الطفل لوحدي
انا من جد مقهووووووره من تصرفاته علما باني حاولت معه اكثر من مره ومانفع
ارجوووووووووووووكم شيروني وش اسوي