مدرسات وخاصة الاسلاميه ممكن مساعده!!

التدريس نفسه حلوو وبس والله كل ماله يزيد صعوبة وتعب واعمال ادارية صعبة ومتعبة : برامج انجازات اما ندوة او درس او ملتقى غير المجلات والمطويات والوسائل

وحطي بالك ان الاسلامية المادة الوحيدة الي يدرس فيها المعلم مادتين لنفس الصف

قرآن كريم و تربيةاسلامية وكل وحدة تحضير و كتاب ودرجات لحالها تماما

أولا الإيجابيات

المعاش وااايد حلو
العطل الرسمية حلوة
بس حريم مافي اختلاط وايد
لج مكانة ومسمى وظيفي (معلمة )..والنعم والله
أجر وحسنات كاد المعلم أن يكون رسولا
في الحديث الشريف
قال رسول الله صلى الله عليه وسلم ( إن الله و ملائكته ، حتى النملة في جحرها ، و حتى الحوت في البحر
، ليصلون على معلم الناس الخير ) . [ صحيح ]

أحلى شي ليما تشوفين البنت إللي مدرستها بأولى وتكبر وتصير بثانية وثالثة

وتقولج أبلة آنا ما نسيت ليما علمتينا شلون آداب الطعام وشلون نقرا القرآن
تشوفين بعينج البذرة إللي زرعتيها إهني يخف ويهون عليج التعب

ثانيا السلبيات

تعب كاد المعلم أن يكون رسولا
تسلط بعض الإدارات (وهذا في كل الوزارات )
مشاكل مع أولياء الأمور (وهذا يرجع لتعاملج معاهم )

بالنسبة للمراحل كل وحدة لها ميزة
آنا إبتدائي اليهال يونسون مثل العجينة إنتي تشكلينها
وإنتي المعلمة إللي تزرعين البذرة لباقي المراحل
والطالبة في هذي المرحلة إنتي إللي تأسسينها فتخيلي الأجر والثواب
في الإبتدائي راح تدرسين إسلامية وقرآن كريم
ومادة مهارات الحياة وهذي المادة حصة وحدة في الأسبوع
المناهج ولله الحمد كلها جديدة ودليل المعلم الجديد كل شي فيه واااضح ماراح تتعبين

أنصج تستخيرين والله يوفقج ويكتب لج إللي فيه الخير

حتى مرات اجابل المنظره وادرس الهوا اللي بالغرفه يعني هذا مكاني والله يسهل