مرجع و تجمع محبات الكروشيه

قصة حياتي مع الكروشيه :

أول شي كنت ابي اتعلم التريكو .. وشريت من معرض الكتاب سنه 2017 جنطه من مكتبه كويتيه نسيت اسمها يا سمير وسعيد أو شغله جذي
فيها صوف وادوات وكتاب .. طبعا كـ عادتي الحميده شريته وقطيته .. ليحد ما يى اليوم اللي فتحته وشفت شنو فيه .. حاولت اتعلم التريكو ماقدرت .. ومن المواضيع اللي اهني عرفت الكروشيه حاولت اتعلمه ماقدرت بالصور .. فتحت اليوتوب والحمدلله قدرت اتعلمه واللحين انا اعتبر نفسي مبتدئة

اشتري الصوف من الكلف بالجمعيه وحتى الهوكس .. وبالنسبه للكتب مشكلة بركات كل اللي عنده ياباني وانا احتاج الكتابه لأن ماعرف اسوي بس من الباترن .. من جذي أطلب كتب من النت

بركات عنده دوره حق البنات اللي صفررر بالكروشيه يعلمهم كل شي بـ 35 تبدي مع كل شهر
وعندهم نظام الساعات بس غاليه .. الساعه بـ 10 دنانير حق الأسئلة .. كنت بروح بس لقيت نفسي ألقى اجابات اسئلتي بالنت

نصيحه للي تبي تتعلم تدش المواقع الأجنبيه كنوووز معرفة

مرحبا حبوبات و انا انضم معاكم انا هوايتي الكروشيه و احبها وايد بس الوقت مايسمح انا بالنسبه لي تعلمت الكروشيه من 3 سنين تقريبا" من وحده اتيي للبيت و قمت اشتري كتب من النت و اتعلم من اليوتيوب و قمت اسوي شغلات بس خفيفه احس للحيني مبتدئه ما وصلت للبلايز و الصراحه في عضوات في المنتدى كانو حاطين ورش حلوه وتساعد و شرحها خلو يعطيهم العافيه . ومشكوره على الموضوع

اتقدم بالشكر الجزيل الى كل من تكرم بالرد على الموضوع وبالاخص كوكو دلوع بما انها كانت اول من رد (وحده لاعبه الدور عبالها تلقي خطاب )
ماهقيت اني القى هذا التفاعل وخاصه مع التحبيطات بانه فئه قليله بالكويت اتحب الكروشيه وتشتغل فيه لكن أثبتولي العكس
ويوم بعد يوم قمت احس انه الكروشيه بدت تنتشر بشكل كبير وطبعا هذا فضل ونعمه من رب العالمين انه اتكون عندكم هالموهبه لانه مو الكل يستحمل انه يقعد اخيط بعضهم اشتغلت يومين وقطتها هذه نعمه تحتاج الى شكر من الله وانه نحمده عليها لانه في اشخاص ماعندهم او مو عارفين شنو هوايتهم (ماعليه وحده تتفلسف عبالها أفلاطون)
ببدي ابقصتي مع الكروشيه
كان يا مكان في قديم الزمان في سالف العصر والاوان ولما كان سمععوا يا عيالي بحازيكم اليوم خوش احزايه(وحده مصدقه عمرها عبالها حبابه)
نبدي بالجد والجد والنعم فيه تعلمت الكروشيه من رفيجة امي يزاها الله خير ما قصرت علمتنا الاساسيات وكنا نستعمل الابر الاصغيره ابر المفارش والقحافي بس الخيوط اتكون صوف عادي (كشمير)وبعدها صرت اجرب ابروحي و قمت ادور بالنت واتعلمت اشلون اقراى الباترون بس طبعا المرسوم (يعني مخترعه الذره )وشريت كتاب من محل الكلف عن الغرز وبديت اشتغل بس طبعا لي الحين ما اطورت اعتبر نفسي مبتدأه كانت اول شغلها سويتها كمبل بس طبعا فشل وقمت فليته كله وبعدين شريت اخيوط ثانين وسويت كمبل ثاني بس الحمدلله نجحت فيه وابتدى مشوار الكروشيه ولي الحين حدي اسوي كمبل وقحفيه وكبوس غير جذي اغرز فيه
واما المشاكل الي واجهتني بالكروشيه كانت مشكلة التشبيك اذا سويت مربعات افشل فيها فما قمت اتعب نفسي واسوي كمبل فيه مربعات.
والمشكله الثانيه قلة الكتب عن الكروشيه والخيوط اما بركات الحلو فيه خيوطه بس اسعاره غاليه عالفاضي واخر شي تطلع البكره ميد ان تركيا ومتفوخه عالفاضي ومحلات الكلف خيوطهم مو مثل بركات ولا بعد جنه زادوا اسعارهم مافي الا الواحد يطلبله اخيوط من بره احسن والي مايعرف ماعليه الا الصبر (وحده تتفلسف كلش يعني مو من ربعهم)
ياريت الي اتعرف مكان يعطي دورات اتفيدنا ولو في تعليم لي البيت افضل وافضل صج عيز كل شي نبيه اكون فيه للتوصيل ما ننعطا ويه اتعلمنا على الرباده.
اي والله صاجه chekleta مابغى اصير عندنا تجمع (سترك يارب عسى بس ماننمسك اقولون مانعين التجمعات)

صج ايواا تطلع من قلب

انا تعلمت الكروشيه من وحده اسمها أم أحمد البكر في الفيحا وبصراحه تهببببببل واهي تعلمنا تحسسنا جنه بناتها وطالباتها و جنه منهم وفيهم و قاعدين فبيتنا علمتني الكروشيه في اسبوعين تقريبا بس تعلم من قللللللللللب وشغلها مررررررررتب سعرها 20 دينار بــــس والحين انا صرت فنانه بالكروشيه وقمت اسوي ستيان من الكروشيه و كبابيس وجناط ودشيت اليوتيوب وتعلمت اكثر واكثر وهذا رابط وحده امريكيه فنااااااااااااااااااااانه بالكروشيييييييييه تعلمت منها اسوي ستيان وكبابيس اشكال وانواع الكبابيس

http://www.youtube.com/user/tjw1963

عفيه اذا وحده استفادت من هالرابط تدعيلي بالذريه الصالحه

لآ لآ لآ مآني مصدقة فيه نآس تحب آلكوروشيه…

أحسب لحآلي بس آللي أحبه .. مآ شآء آلله عليكم.. أجل نبي نسوي وررشة بهآلقسم ونشجع بعض

بآلنسبة لي تعلمت من نفس آلحرمة آلأجنبية آللي بآلرآبط آللي حطته مليومه.. صدق فنآنة وتعررف تشرررررح

وآلحين سووويت قبعة صرآحة يوم خلصت مآ صدقت إني سووويتهآ..

بنآت بسألكم وين أحصل آلصوف آلزززين لآ تقولون لي من برآ .. أبي شي متوووفر.. ومآ أبي آلبلوكآت

ولو فيه محل معين بآلمنطقة آلعآشرة دلووووني عليه ..

مشكورين خواتي على هذا التفاعل الحلو وإنشاله اتكون هذي البدايه ونطمح لمشاركات اكثر وعدد أكبر من محبات الكروشيه عشان نبدي الخطوه الثانيه الي كان السبب في تجمعنا انا انفيد ونستفيد(ماكو شي ابلاش)
(أجل نبي نسوي وررشة بهآلقسم ونشجع بعض)انشاله اختي مجنونة نت راح اتكون هذي الفكره مدرجه في جدول الاعمال (مصدقه عمري عبالي زعيمة الحزب)
( وياليت كلنا نتجمع وتكون سوالفنا بالخيوط والابر والكروشيييييييييه ,ودكم ؟؟؟ جان زين ) ليش لأ يا ام عزيزان كل شي جايز وممكن اصير في الخطط المستقبليه وراح يدرج في جدول الاعمال انشاله وشعارنا اقول االمستحيل اذا نبيه راح اصير :