مستشفى شكره النفط الاحمدي

حظج نصيبج مو شرط زينين

السلام عليكم
انا ولدت فيه كل عيالى و الحمدلله كلهم تمام و سهاله و الدكاتره وااايد زيينين انا دكتورتى جابريلا الرومانية وايد شاطرة وطيوبه

والله يسهل عليج وتقومين بالسلامة

يمدحون جابرييلا وايد
بس انا رحت حق الكويتيه بنت بورسلي حدها متسمته وجنها مو فاهمه وسرحانه واشكره صرفتني وانحاشت عني
رحت بالثامن تسوي سونار وماتدري شالطبخه اقولها نزل ماي شويه ممكن ولاده ؟؟ تقول ممكن اقولها في عوار وايد تقول اي ممكن طلق
اقولها البيبي نازل تقول ها اي شوي
جان تقول سوي تخطيط ورديلي تخيلي انحاشت اروح احوس فوق وتحت ادورها ماحصلتها تقول للسستر قوليلها اذا مافيها طلق خل تروح البيت ماله داعي اشوفها
ورحت مره بالزحمه والا حوووووسه والرياييل مرتزيين يم غرفة الفحص يسمعون الحريم يصارخون
واللي تطلع من الولاده يمررونها بالممر جدام الكل بدون حجابها تعبانه للغرفه ولج ساعات زياره محدده والبيبي مو كله عندج

صراحه ما ارتحت وطلعت وولدت بخاص المثل يقول قط فلوسك بالشمس واقعد بالظلال

بصراحة كل إلى أعرفهم ولدو هناك يمدحونهم حيل مثل الخاص بس ببلاش، بس عيبهم شي واحد مالج غرفة خصوصي بس في أغلب الأوقات تكون الاسرة فاضية ، و الله يسهل عليج

اي عادي تولدين اهناك على ريلج اذا اهوا بالنفط يصير