معاناة ولدي من الاكزيما

شوفي امدحوا زيت القطران بس لاسف لحد يومك لي سنتين اسال اي واحد المقصود مااحد عطاني رد( كنت ادور لوحده عندها اكزيما)
القطران زيت كان يحطونه علي الابل اللي فيها جرب حار بس يقشر الجلد ويطلع جلد ثاني من غير اكزيما

او المقصود زيت القطران المغربي ماادري اي واحد اللي يقصدونه انتي اسالي وشوفي وان شاء الله تلاقين نتيجه

الله يجزاج خير ياقلبي الخلطه هاذي في احد تعرفينه مجربها
وانا ملاحظه صج مثل ماقلتي اذا زاد بالحلويات زادت عليه الاكزيما

اختي الغالية صباحك ورد ,,
انا بعد ولديمن فترة جت عنده الاكزيما الدهنية وكانت

منتشرة باغلب جسمه ورحت للدكتور عطاني علاج عبارة عن كريم
هذا اسمه { Elica-m ..مع كريم مرطب ,,
ومااشاء الله نتيجته كانت عجيبه تحسن بنسبة 99 بالمية ولله الحمد
وبعدها قريت موضوع لعضوة اسمها الاميرة جوري كانت كاتبة عن صابونة
ديتول الي لونها اصفر انها تستخدمها لولدها وسوت نتيجه معاه ,,
واستخدمتها ومن ذاك اليوم ولله الحمد والفضل ما رجعت الاكزيما للحين

{

اختي " زهرة تشرين " الله يشافي ولدج ويارب شفاءً تام
اهو اول مابدت فيه كنا مسافرين وطلعت فيه هناك بالبدايه ووديته عياده هناك وعطاني شراب ودهان وقاللي اابتعدي عن الجوكليت والحمدلله استعملت الدوا معاه من ثالث يوم تحسن بعد قلبي والحين لما طلع فيه رحت اشتريتله نفس الدوا اللي هناك بس تفرق طبعا الشركه على قوله الصيدلاني والحقيقه انه يفرق بكل شي اللي هني ماله مفعول كلش

*

مايشوف شر ولدج نفس الشي بنتي فيها أكزيما وبصراحه مدحولي دكتور حمد الغرير ورحت له وعطاني مرهم أسمه إيديل وايد خف ماشاءالله بس لازم أبعد عنها الكاكاو والشبس وقالولي حتى الكشب
الله يشافيهم يارب معقوله مالقوا لي الحين دوا يعالج الأكزيما مع ان الطب تطور سبحان الله