معانات بنات التكنلوجيا

امبيه الكليه ترى مثل ما كانت قبل 4 سنين مافي اي تغير كلش
المباني على حطة ايدج والوايرليس احنا دافعين حسابه سنة 2017 والتركيب صار قبل سنه فقال الاتحاد ان اهم اللي حطوه

بلاوي بس محد يدري عنها

شوفوا على المباني انا عن نفسي ناقشت فيها الاداره اذا تبون الصج …
لاني لما كنت طالبه سويت استبيان بالكليه وطلبت رايي البنات
واكثر الشكاوي كانت على المباني القديمه 128-129-130
وحاولت امشي بالموضوع … واكلم العماده بس قالوا ان الدراسه راح تصير بس 140 ومافي اماكن نحط فيها مباني وفي خدة جديده بتكون وحجي وايد بس ترقيع

ويكون بعلمكم بعد … مشينا بموضوع استراحه
المفرووض تكون موجوده من سنتين
بس الله يهدي اتحادنا الموقر اللي ماطالب بسرعة انجاز المشرووع
والمشروع اللي سوته المستقله لما كانت ماسكة الانحاد
ان يكون في مبنى استراحه الطابق الارضي للشباب والدور الاول للبنات
المداخل مختلفه وفي مصافط
ويكون فيه مطاعم (( هارديز -بيتزا هت – ماكدونلز – ستار بكس – ونسيت الباقي )
ويكون في مكان للجيم الرياضه ومكان قعدات
موقعه داخل الحرم التكنلوجي صوب البنك والاقتراح تمت الموافقه عليه ومو باقي الا البنيان .. بس القائمة اخسرت الانتخابات ومحد الاتحاد اللي بعده حاول ينسب الانجاز له بس مافي اي تحرك لي الحين ؟؟

يعني لو بقولكم عن التحركات اللي سويناها بتستغربوون …
احنا بظرف سنه سوينا اللي المستقبل الطلابي مو قادره تسويه ب4 سنين !!!
انا ودي شوي واحد بس انهم يكملون مشاريعنا وانجازاتنا .. وما يخلونها واقفه ولا ينسبونها لنفسهم مثل ماهو حاصل !!

واذا تبين نصيحتي يالغاليه لا تتعبين نفسج وتكلمين الاتحاد .. لان محد راح يعطيج بال واذا ردوا عليج بيقولون احنا ودنا بعد بس ما بيدنا شي (( مع ان الاتحاد تعتبر سلطه وبيدها كل شي ))