معكرونية بالخضروات و البطاط المبهر بالجبنة من اختراعي وتأليفي ان شاءالله تعجبكم

السلام عليكم

اليوم طبقنا من تأليفي واخراجي وعسى يعجبكم

المقادير :

معكرنية كوبين ويفضل هالنوع .

بصل شرائح

فاصوليا خضرا مثلجة .

باجلا خضرا مثلجة .

مشروم معلب .

معجون طماطم .

الطريقة :

1- اول شي نحمس البصل وبعد ما يتحمر نضيف المعجون ونحط البهارات بعدين نضيف الخضروات طبعا لا تنسون بالنسبة للفاصوليا والباجلا نحطهم بماي مغلي وملح لحد ما يستوون ونضيفهم للحمسة … بعدها نضيف المعكرونية طبعا تكون مسلوقة بماي وملح واشويه زيت .

ونحطها بطبق وهذا راح يكون الشكل..

2- راح نسوي البطاط المبهر وطريقته وايد سهله للشيف الغالية جارة القمر شوفو الرابط :

انا حاطه الطريقة اللي انا سويتها مع الصور

http://www.q8yat.net/showthread.php?t=9811&page=63

نحطه البطاط فوق المعكرونية وبعدها نضيف الجبن المبشور شوفو الصورة

3- ندخلها الفرن لحد ما تسيح الجبنة .

وهذا شكلها النهائي

واهنيه الصورة مع البطاط المبهر وايد لذيذ جربوه

واتمنى يعجبكم الطبق

ملاحظة : ممكن اضافة خضروات مشكله بدل الفاصوليا والباجلا … انا كنت بحط خضرا مشكله بس ما كان عندي بعد يطلع احلى مع الذرة ..

انتظر رايكم؟؟