معلمات الثانوى لى متى السكوت والاهانات

معلمات الثانوى بدون مقدمات لى متى السكوت عن ابسط حقوقنا اليوم مثلا شلنا الطاولات ورتبنا المكان حق الاختبارات النهائية كأنا فراشات واقسم بالله ان الفراشات كانوا قاعدين بالساحة يريحون واذا قلنا لا قالوا بند التعاون والله كرهت نفسى وحسيت بالاهانة خواتى انا مو جديدة على التدريس سنوات خبرتى 12 سنة وصارلى ناطرة دورى فى رئاسة القسم 4 سنين تخيلوا

اللى انجحوا معاى بالمتوسط والابتدائى جاهم ترشيح توجيه تخيوا عمرى اللى ضاع خواتى معلمات الابتدائى والرياض والمتوسط لا تزعلون منى انا اعرف انكم تتعبون بس ما اعتقد نفس الثانوى وكرف الحمير اللى يجينا علاوه على التأخير يوميا فترة الامتحانات بدووووووووووووووون افر تايم كل العالم عندهم افر تايم إلا المدرس ابوى الكادر من الصبح لى الساعة 6 او 7 مساءا مع شغل الكنترول والدرجات والتصحيح قوق 13ورقة بذمتكم هذا دوام وطبعا العيال والبيت اخر شئ يفكرون فيه واللة لو آله كان خربت نبى زيادة فى الرواتب عن المراحل الثانية ولاتنسون الكل يعطل قبلنا واحنا اخر شئ لا والراتب واحد واللى باط كبدى جمعية المعلمين عمك اصمخ والله خسارة فيهم 12 دينار اللى ندفعهم خواتى لى متى اللعب بمناهج المرحلة الثانوية وعندى سوالف عن هالتخبط يشيب لها الراس وكلة حفطتة عندى اشياء واجد ما اقدر اسطرها هنيه نفسى احد يسمعنا ويطلع صوتنا للعالم خواتى نفسى احنا معلمات الثانوى ندعوا الى وقفة جادة نوصل صوتنا للمسؤولين وابى اى معلمة ثانوى توافق على كلامى وعندها معلومة تحب تضيفها ترد على موضوعى