بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بصراحه المجبوس أكله مهمه بالنسبه لنا الكويتيين والخليجين
نبي كل وحده ادش وتحط لنا طريقتها بالتفصيل الممل ومع بهاراتها
سواء مجبوس اللحم أو الدياي أو المجبوس الاحمر أو الكبسه
اي شي اسمه مجبوس وتعرفونه حطو لنا طريقته
لان انا بصراحه ما اضبطه … يعني ما يطلع خنين 
ونثري
وسويته مرتين .. معقول ..بس مو اللي ببالي
شاركونا …
السلام عليكم
بصراحه المجبوس أكله مهمه بالنسبه لنا الكويتيين والخليجين
نبي كل وحده ادش وتحط لنا طريقتها بالتفصيل الممل ومع بهاراتها
سواء مجبوس اللحم أو الدياي أو المجبوس الاحمر أو الكبسه
اي شي اسمه مجبوس وتعرفونه حطو لنا طريقته
لان انا بصراحه ما اضبطه … يعني ما يطلع خنين
وسويته مرتين .. معقول ..بس مو اللي ببالي
شاركونا …
أو شي اللحم اغسله عدل بعدين افوحه عشر دقايق مع شويه خل (علشان تروح الزفره كلها)
بعدين احط ماي نظيف … واحط بهارات عدله (دارسين- مسمار- نص قفشه بهار مخلوط- هيل)
+ بصله اقطها ارباع وثومه عدله
واحط اللحم واخليه يفوح عدل لما يستوي احط الملح وحبه ماجي
بعدين اشخل الماي واخلي على جنب
واللحم احطه بصينه الفرن واحط عليه شويه بهارات مخلوطه واكون منقعه زعفران وهيل شيويه .. اصبه فوقه
واخليه يتحمر شويه
والعيش اكون مغسلته عدل ومنقعته … بعدين ايب الجدر احط شويه زيت … واحط العيش اقلبه شويه بالزيت
واصب عليه ماي اللحم اخلي يطبخ شويه … بعدين اقصر عليه واحط تحته حديده لين يستوي
واحط على الويه ماي زعفران أو صبغه صفرا
والحشو بس احمس شويه بصل مع صنوبر
وسلامتكم
لانه في ناس يحمسون اللحم مع طماط وفلفل بارد
وبهاراتهم غير
اهوا تصدقين ..كل بيت يختلف عن الثاني … خلونا نشوف مشاركاتكم
بس انا اسويه مع الدياي
و ما احط خل
و لما يستوي الياي اطلعه و احط عليه شويه بهارات و طماط قوطي
و احطه بالفرن او اقليه
و سلامتج
مجبوس الي هو الاحمر الي ينجبس اللحم ومايه مع العيش
وفي ناس يسوون طريقتج الحشوو
المجبوس الاحمر يسمونه مجبوس يمه
وطريقتي
افرم بصل ناعم
وافرم 3 طماطات ناعمه
3و فص ثوم ناعم
اغسل اللحم+احمس البصل+واضيف الثوم+وتالي بزاري وهو هيل ودارسين مصحح وقفشه كبيره كاري وشوية فلفل اسود
و3 حبات مسمار +اضيف عليهم الطماط ويا المعجون اقصر شوي علي الجلوسه بو 5 دقايق
راح تشوفين انه الدهن صعد فوق اصب ماي واخليه يطبخ عدل مدل لمن اللحم ينظي
ونص كمية الماي تشربه اللحم
اكون منقعه عيش وغاسلته اصفيه من مايه
واضيفه حق المرقه واقصر علي الجوله وتعالي ذوقي لي صار يمه المعبوج وعدة الخياس
اوووووووووووووووووووف اويلي الووووووووووووووووجن ههههههههههههههههه
طريقة الثانيه
حشو لحم او دياي
اغسل اللحم او الدياي عدل
افوحه بماي وغار وهيل ودارسين ومسمار وشوية كاري
اخلي لمن ينضي عدل
اشيل اللحم او الدياي
اذا لحم احطه ببايركس واصب عليه بزار مخصوصو حق الحشو وشوية سماق وزعفران وزبده
اغطيه بالقصدير واخليه علي الووورم
اذا دياي:احط الدياي بايركس ارش عليه هيل مطحون وشوية زعفران وبزار ودارسين
واحط عليه شوية زبده سايحه واخليه بالفرن يتحمر
العيش اخذ ماي الي فحت فيه العيش اصفيه من الشوائب وارد احطه بالجدر
اصب عليه العيش واقصر علي الجوله
واحاول اخلي الماي شوي
لاني مزهبه ربع قلاس زعفران وهيل وصبغة زعفران وشويه ماي ورد
اول ماشوف انه الماي تشربه العيش اصب خلطة الزعفران علي الاطراف
لمن يطلع بخار اشوي اضيف زبده اودهن كيفج
الحشو:نخي منقوع
عقب النقع افوحه تالي احمس بصل واضيف النخي والكشمش وبزار المخصوص بس حق الحشو هذا
واذا ماعندج ممكن تضيفين قفشة دارسين وقفشة كمون وشوية فلفل اسود وشوية كاري
هم يطلع حلو بس لو تاخذين البزار المخصوص احلي
وحزت النجاب عاد انجب العيش واحط الحشو فوقه وتالي اللحم او لدياي
وممكن افصل الحشو عن العيش
مثل عيش الحسينيه عرفتيه
وسلامتكم
تقريبا … طريقتنا وحده
بس أهم شي يطلع ناطع ولذيذ ؟؟
وعليييييييييييييييكم السلام
مشكووووره علي هالمووضووع الحلو
شوفي حبيبتي
بالنسبة لللحم والدياي
أنا طبعا أول شي أنظفهم عدل مدل
وخليهم شوي يتنقعون بالملح علشان الزفرة
وساعات لم أنقع الدياي خل مع ملح
وبعدين أنظفهم
وخلي يفوح مع الماي بدون بهارات
وبعدين طبعا مع حمسة الثوم والبصل
وبعدين البهارات الصحيحة الدارسين والهيل والمسمار
وبهار مخلط
وخليه يطبخ شوي
وبعدين أضيف الماي
وخليه يطبخ
عاد أضيف الملح أو مكعب ماجي
علي حسب الرغبة
طبعا بالنسبة للدياي يا أقليه أو أحطه بالفرن شوي
وساعات شسوي أخذ من زيت قلي الدياي وأحطه مع حمسة الحشو
يطلع يم يم يم
عادي ألحين العيش
طبعا ساعات أسوي العيش بزبدة
أحمس شوية عيش مع الزبدة وبعدين أحط عليه ماء فوح الدياي وماء عادي وشوية هيل مطحون
وأنا استعمل زعفران أجمل او الرصاصي أحسهم أحلي للأكل
وصج
ساعات في العيش الأحمر اللي ينكبس معاه اللحم أو الدياي
أنا ساعات احط معاه مكعبات بطاط
ماشاءالله … اصلا امبين لذيذ من وصفج
انا الحشو .. اسويه بكيفي لان ريلي ما يحب النخي والكشمش.. علشان جذيه بس احط بصل وصنوبر
انشالله اجرب طريقتج
اه اهني مربط الفرس
يعني انتي غير شويه… او شي تحمسين اللحم أو الدياي ..مع بصل وثوم ..بهارات صحيحه… وبعدين تحطين
ماي !!
علشان جذيه اقولكم كل بيت غير
بس طريقتج حلوه علشان… اللحم ياخذ طعم البهارات
بنات خلونا نشوف باجي الطرق بليز
تري هذي الطريقة الصح
أنا اشوف أمي وخواتي
وخالتي أم ريلي كلهم جذية
طريقة حمستهم
تري تعطي طعم
يللا بنات شاركونا بطريقتكم للمجبوس
بس بقولج عن بهارات انا شريتها من الجمعية محطوطة بغراش بلاستيك مكتوب عليها بهارات بيت في منها للحم والدياي والسمج ووووو … انا جربت اللي للحم والدياي بس وايد حلوة …
تدرين ليش ؟
لأن يدتي الله يرحمها وعماتي كلهم وابوي الله يخليه يحبون يسوون البهارات بروحهم بالبيت يحمسونها و يطحنونها وكل شي بروحهم وتطلع خنينة …
فآنا لما جربت هاذي اللي بالجمعية والله ريحتها وايد وايد تشبه اللي عندي وجربتها بالطباخ اتهبل …
مشكوره .. على الاضافه
تصدقين اشكثر اشوف البهارات اللي بالجمعيه بس ما يغروني
يالله مجدي اخذ اللي كل شي بروحه
يبيله نجرب