منو سمعت عن مجمع الظهران بالظهران؟؟؟؟

هلا جبيبتي فلونه شخبارك
انا بكتبلك الحين الي عندي لان الحين قريييب اذان الفجر بكتبلك بسرعه قبل لاياذن وبكره بكملك الباقي اتفقنا
طيب
بالنسبه للعبي في بالراشد كذا محل مثل بوكنان وبدون اسم الخالدية وفيه بالدور الثاني والله مو ذاكره اسنه ترى انا عيبي اني ما اتذكر الاسماء بس اعرف اوصف
المهم عندك في سوق السويكت اكيد تعرفينه فيه نافذ بالسوق قبل المسجد لي بالسوق فيه كذا محل يمكن 6 او 7 محلات للعبي فيه الغالي والرخيص وتلقين العباة عند المحل 120 ريال وعند الثاني 1200 بس نفسسسسسس الموديل لان المحلات الرخيصه تشوف الموديلات عند المحلات الغاليه وتسويييه طبق الاصل وفي هالمحلات داااااايم اشوف كويتياات يشترون من عنده

عندك في مجمع فؤاد سنتر على الكورنيش في الدور الاول على مااعتقد اسمه الاختيار الاول عنده عبي راقيه وحلوه

ماركة مكياجي في شارع السويكت مقابل مجمع الخبر بلازا وبالمره الخبر بلازا فيها جلابيات حلوووه

وعندك محلات الجلبيات ومحلات الفساتين الجاهزه حق الزواجات في الجمعة سنتر مليااااان محلات حق الجلابيات والفساتين حلوووه ومتنوعه مكانه على الكورنيش بعد فؤاد سنتر بشوي قريييب منه

ومحلات قزاز نفس الشي في شارع الكورنيش مقابل المطاعم مكدونالز وتشيلز يكون قزاز مقابلهم وهناك فاتح مجمع جديد اسمه مجمع التركي مجمع صغيييييييير بالمره

يعني اغلب المحلات الي طلبتيها في شارع الكورنيش يعني يبغالك يوم وانتي تلفين في نفس المكان

خلاص حبيبتي واول ماااتذكر شي بكتبلك
وانتي اذا تبين شي امري تدلللي احنا في الخدمه حبيبتي
سلااااااااام

هلا حبيبتي فلونه شخبارك
شوفي عندنا محلات حلوه للأطفال دايم محلات تكون مكرررره عندكم وانتي اكيد ما تبين شي مثل الي عندكم بالكويت تبين تغيييرين …بس اغلب المحلات بالخبر تكون نفس محلاتكم الي تكون الماركات المعروفه مثل زارا نكست ادمز مذركير … ومن هالنوعيه بس عندك السواني بالراشد فيه اشياء شوي غير عنكم … وفيه في فؤاد سنتر بس بعد مو ذاك الزود يعني غالييين على قل سنع …
واذا تبين شي صحيح حلو وراقي ومميز و موديلات غريبه مو مكررره في مجمع في الدمام اول ما تدخلين الدمام اسمه مجمع ابن خلدون هذا مجمع شبه جديد بس صراحه فيه بدل للاطفال وخاصه الاولاد روووووعه واسعاره متوسطه مو غاااليه ولا رخيصه يعني تجيك البدله الصيفيه بحدود 180 _200 على حسب المحل يعني فيه محلات تكون عندهم بضاعه ارخص من كذا وفيه اغلى بس من جد رووعه لملابس الاطفال يعني تجيك البدله وتلقين بنفس المحل جزمه نفس النوعيه وشراب نفس النوعيه وقبعات نفس الشي وبعض المرات تجي نظارات وشنط من جد روعه

وسلامتك واذا تبين اي استفسار امري حبيبتي من اعيوني
سلااااااااااااااااااااااام

هلا فلونه شوفي حبيبتي ما فهمتيني البدل مو تجي معها اغراضها لا يعني انتي لما تشترين البدله لازم بدورين لها على شراب وجزمه ومن محل الى محل لا هذا يجي ركن للجزم وركن شرابت وكذا بس لا مو صناعه سوريه السوري معروف ورخيص

شوفي انا مره شريت بدله بـ 195 ريال وشريت شراب بـ 25 وجزمه بـ 80 نفس البدله كنهم مخيطنهم مع بعض بس انتي بأختيارك تشترين او لا بس متاكده انه مو سوري وبتأكدلك من الي عندي وشهم صناعتهم
سلاااام

انا سمعت شكثر عن الراشد والفيصل والمملكة
وتمنيت اروح بس عقب سفرة اختي غيرت رايي
اشدعوه غاليييييييين حييييييل
وكل اللي شرته اختي سعره موفيه .. مقارنه بالكويت
ما ادري عن العبي والملافع بس البدل والساعات والشحاطات … الخ
غاليه حدهااااااااااا

سعووووديه انا سمعت ان عندهم مشااااغل حلوووه وافكاار روعه حق ملابس السهره

شلون طريقتهم اذا بنروووح وشكثر تخلص وعلى جم الاسعر تترااوح وشلون ياخذون لقياس
لان ما اعتقد في حريم وشنو اسامي هالمشاغل ومكانها

لان يمكن اروووح الخبر وسويلي جم بدلة سهره

وعندك مشغل النافع مركز كبير ورااااقي بس غااالي شوي
وعندك دنيا المراءه هذا غالي ورهييييب

ويييييييييييييييين هذوووول في اي مكان بالخبر؟؟؟؟ ويعني على جم غالي؟؟ بدلة سهره؟؟ وما قلتيلي شلون ياخذون القياااس؟؟؟واذا ينفع اروح لهم نهاية الاسبوع وارجع لهم لما يخلصونه اوكي جذي؟؟

اذا تبين راح اقولك عنه واشرح لك مكانه بالضبط؟؟؟ قوووليلي ناطرتج

والله يعطيج العافيه

اي والله يا طماشه شغلهم وايد عجبني واسعارهم معقول ………انا صارلي جم سنه احن على ريلي ………..وبعد طلعت الروح وداااااااااااااااني ………..واللحين 24 ساعه احن عليه بروح اشوه حتى اهوه اعجبته ……….بس الطريج اخوف بالليل

سعوديه يعطيج الف عافيه واذا ما عليج كلافه دليني الخياط حق المناسبات ينفع