بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلااااام عليكم
واللي يعافيكم بنات نبي تجاربكم وتجارب خواتكم بهالمستشفى
وابي رايكم بالدكتوره غبريلا بالذات هل تثقون فيها وبسوناراتها من ناحيه صحة الجنين ونوعه ومشكووووورييين وعسا ربي يهون على كل حامل ويرزق كل متاخره
السلااااام عليكم
واللي يعافيكم بنات نبي تجاربكم وتجارب خواتكم بهالمستشفى
وابي رايكم بالدكتوره غبريلا بالذات هل تثقون فيها وبسوناراتها من ناحيه صحة الجنين ونوعه ومشكووووورييين وعسا ربي يهون على كل حامل ويرزق كل متاخره
انا هذا كل اللي عندي وان شاء الله البنات يفيدونك اكثر
ومشكوره ع الرد
وعساج ع القوه
دلوعه ..مشكوره عالرفع الله يرفع مقدارج
وعسى الله يسهل ع الجميع إن شاءالله ..
احلى شئ بجبريلا تعرف جنس الجنين ماشاء الله عليها وحده بوحده
بس اللي ما حبيته ما تخليج على راحتج وتبي تخلص بسرعه بسرعه ما حبيته حسيتها نفسيه ولا البااااااااااااجي عجيبين يسري وفتحي وليد وشبلي ودينا وفي وحده هنديه اهتمام عجيب
ناطرة ردودكم
بس من زمان .. بنتي الحين عمرها 7 سنين اسمالله عليها ..
يمكن تعدلوا مادري .. عموما محد ذمهم غيري .. حتى اهل ريلي واااااايد يمدحونهم لي اليوم ..
سبحان الله واسطتي كان عندها حالة وفاة ودشيت على الله ..
طبعا كنت بجر .. وانا رحمي ما يفتح الا حزة الولادة كلللش يعني طلق حامي بس ما يفتح الا حزة الحزة ..
السسترات زين ما يطقوني .. بس يزففون فيني .. (ترا انا مو من النوع اللي اصرخ بس اون يزفوني يعني شسوي فيني طلق يعور !!)
ولا تكرموا وعطوني كمام او مسكن الا عقب ما الله رحمني ونزل الماي .. ولا كنت افرفر بمكاني طلقي حامي بس علبو مو مفتوحة ما دخلوني ولادة ولا عطوني شي ..
لما بغيت ادخل تكرمون الحمام خلوني بروحي مع ان امي كانت تنطر بره عند الباب ما خلوها تدخل .. ما دخلوها ولا اهمه اللي ساعدوني .. ودخت وطحت وقمت تكرمون ارجع .. بروحي .. حالتي كسيفة بجيت على حالي والله والمذلة اللي انا فيها ..
وقت الولادة عادي عطوني كمام كثر الله خيرهم .. الحسنة الوحيدة
ما خيطوني الا عقب ساعة وشي .. عقب ما يات الدكتورة تتمغط وشبعت نوم .. وبدون بنج .. قمت افرفر جني دياية واصرخ وانا ما صرخت بالولادة ..
الغرفة عمومي .. انا والدة واللي يمي يايينها ريلها وعيالها وزوار وانا بنام وتعبانة .. وطبعا حمام مشترك انا ادخل وريل المرة يدخل وعيالها يدخلون !!
ويدرعمون حريم بلاغة شف ها ولدتي ؟ شيبتي ؟ ودي اكفخهم مو وقتهم ..
قطو بنتي عندي وتفحط وانا ماعرف حتى اشيلها وخياطي يندح ابي بس يطاولوني ماكو مالي امل ..
برضعها ماعرف .. ولا احد طل بويهي .. خدمت روحي بروحي ..
عقبها ولدت بدار الشفا .. ريلي حضر الولادتين ..
بغى يبجي يقول مادري شلون جنيت عليج وخليتج تولدين عندهم اول مرة !!
فرق السما عن الارض ..
مابي اخرعج بس نصيحة يعني بتولدين عندهم حطي واسطة احتياط ..
وترى وايد اعرفهم لي اليوم يولدون عندهم ويمدحونهم .. بس انا اللي حظي كان مو شي وشفت الويل عندهم ..
واذا انتي او ريلج بالنفط الله يعافي التأمين الصحي ولا هالمذلة ..