موتقولون بس بنات الحرااااااااام حتى الرياييل زودوها والوضع لايطاق

السلام عليكم

خواتي وايد اقرا عن بنات الحرام وخرابات البيوت وخطافين الرياييل
انا ما ارفض هالشي
بالعكس أأيد هالكلام وبشددددددددددده

بس بعد الرياييل مو مقصرين >>>>لا حظو رياييل

مو شباب ومراهقين
لأ
رياييل حتى الشيب بادي بشواربهم الي مايستحون
ولا يخجلون من هالشيب الي على روسهم

مادري ليش المتزوجه تحلى بعين الريال والمتزوج يحلى بعين بنات الحرام

انا ماراح اناقش موضوع بنات الحرام لانه اخذ حقه بمافيه الكفايه

بس الي باطين جبدددددددددي

هالرياييل
لا حيا ولا مستحاا

كرشج شكبرها متر جدامج يلاحقج
هالكرش من وين يعني ؟؟ من الهوا؟؟!!!!!!!!!!!!

شتبي بوحده متزوجه

غير الخزززززز

والله اشوف بعيوني واسكت اقول عيب اتحجى…. شبيقولون البنات الي وياي يمكن انا غلطانه ويتهيألي
بس حتى الي وياي انتبهو… مو نظرات عاديه نظرات مونظيفه كلللش ووراها شي
شنو المميز ببطن الحامل يعني !!!!

وغير التعليقات
سمعو اخر تعليق ((فديت البطن الي يابته!!!!!))

ابيييييييييييييييه موصج والله والله مايستحون

غير احد التعليقات الي كللللش كللللش ماقدر اكتبه

اذا بيدج ياهل يقولج ماما طاااااارت عيونهم
وركضضضضضضضضضضضه ورااااج

رفيجاتي مو متزوجين
اذا خذو واحد من عيال خواتهم ولا خوانهم
شوفي جم واحد يلحقهم
والله رفيجتي تقول بروحي محد يطل بويهي بس اذا معاي ياهل >>ولد اخوها يقولها ماما
شوووفي الرياييل شلون عيونهم علي

انا ماقول هالحجي يعني من الجمال الفتاااااان الخااااارق عن العاده الي فينا
ربي يشهد اني اكتبه واقولكم
مو من تجربه تجربتين
ولا موقف موقفين

لااااااا شي صار يومي

سوق – جمعيه – طبيب

حتى اماكن لعب اليهال
معاهم عيالهم وشوفي النظرات
ولحق ملااااحق

شاطين عمركم على شنو!!!
ولا حب استطلاع يعني وفضول

انا شي وااااااااحد بعرفه شمعنى المتزوجه ؟؟؟ شنو الغرض والهدف؟؟

عذروني يمكن موضوعي مو مرتب
كتبته على عيله
بس صج لانه شي بااااط جبدي
وطفح الكيييييل

لانحط الغلط كله على بنات الحرام
في رياييل بعد الله لا يبلانا مومضبوطين
بتقولون عيونهم زايغه

هذا طبع اغلب الراييل
بس مو يلحق ويعلق ويشششششط عمره
ترى حريم حالنا حال حريمكم
ولا قل ممنوع مرغوب

استغفرالله واتوب اليه
معناها مرض نفسي

ولاشرايكم؟؟؟؟؟؟