ندعوكم للحضور و المشاركة باليوم العالمي للتضامن مع المعاقين

تحت رعاية حضرة صاحب السمو امير البلاد

تتشرف اداره مدارس التربية الخاصة و الجهات العاملة في مجال الاعاقة بدعوتكم لحضور فعاليات اليوم الوطني الرابع للتضامن مع المعاقين2008 في الفتره من 5-15/1/2008

برنامج اليوم الوطني الرابع للتضامن مع المعاقين

الخميس 6/11/2008 اليوم الشعبي تحت رعاية الشيخة /شيخة العبدالله الصباح في النادي الكويتي الرياضي للمعاقين الساعه 5 عصرا

السبت 8/11/2008 من الساعه 10ص – 7م اليوم المفتوح للمعاقين واسرهم في نادي ضباط الشرطة منطقة ابوالحصانيه ((تباع تذاكر الدخول))

الاحد 9/11/2008 الساعه 7.30 م المعرض الفني الرابع للموهوبين من ذوي الاعاقة و مسابقة الرسم تحت رعاية الشيخ / دعيج الصباح في مجمع البستان 3 ايام

الاثنين 10/11/2008 الساعه 9.30 ص دور الانعقاد السادس للمعاقين بمجلس الامة برئاسة رئيس المجلس جاسم الخرافي في مجلس الامه((دعوه خاصة))

الثلاثاء 11/11 الساعه9.30 ص المعرض الانتاجي الفني تحت رعاية الشيخ د / ابراهيم دعيج الصباح في مجمع الكوت

الثلاثاء11/11 الساعه 4عصرا ندوه الاسر المتميزة و برنامج جرب الاعاقة في سوق شرق

الاربعاء 12/11 الساعه 9.30 ص ورش عمل في مدرسة المعرفة النموذجية المنقف ق 4 ش 24

الخميس 13/11 الساعه 5.30 م مهرجان الطفل في المركز العملي تحت رعاية الشيخ / دعيج الخليفة الصباح بمشاركة مجموعه شباب الخير التطوعية

الجمعه 14/11 الساعه 4عصرا اليوم الترفيهي و مشرح المواهب في منتزه الشعب ((تباع تذاكر للالعاب + وجبه عشاء))

السبت 15/11 الساعه 10 ص الاوبريت الختامي (كلنا واحد) تحت رعاية حضرة صاحب السمو امير البلاد في مسرح اداره التربية الخاصة
((دعوه خاصة))

حضوركم يشرفنا

وحياكم الله

للاستفسار ارسال رسالة خاصة

ان شاء الله اقدر اشارك بوحدة منهم

وبغيت أحضر بعد الأوبريت .. وسوق شرق وقته جدا مناسب .. والكوت راح أحاول أضبط الحصص وجدولي بالمدرسه وأطلع بمعرفتي .. لكن الدعوة الخاصه أفضل إذا تقدرين ترسلينلي …. بخصوص مجلس الأمه والأوبريت ؟؟؟ في مجال ؟؟

وهل أقدر آخذ مجموعة من الطالبات معاي ؟؟ طالباتي بالثانوية أخوانهم معاقين ؟؟ أقدر ؟؟

لكن مادري بي مدرسه أهما ؟؟

بس ابيج على يوم تجين لنا النادي في حولي عشان تكلمين المسؤول حق هاليوم

واليوم الي في سوق شرق راح يكون ندوه وبرنامج اسمه جرب الاعاقة راح يكون عباره عن ناس اصحاء راح يجربون يقعدون على الويل جير و يجربون معاناة المعاقين في مواقفهم و شلون يروحون و يجون

ونتمى ان الكل يحضر الفعالية الي بسوق شرق عشان يشوفون المعاناة

اقتباس:

المشاركة الأصلية كتبت بواسطة ام حسوني شوووفي خيتوو انا احاول اخلي اسم مدرستكم للدخول بمجلس الامة بس ابيج على يوم تجين لنا النادي في حولي عشان تكلمين المسؤول حق هاليوم واليوم الي في سوق شرق راح يكون ندوه وبرنامج اسمه جرب الاعاقة راح يكون عباره عن ناس اصحاء راح يجربون يقعدون على الويل جير و يجربون معاناة المعاقين في مواقفهم و شلون يروحون و يجون ونتمى ان الكل يحضر الفعالية الي بسوق شرق عشان يشوفون المعاناة

الله يعطيج الصحه والعافيه بعد قلبي .. راح أسجل عندي وقت الفعاليات وأكلم الناظره وإن شالله يارب توافق إننا نزور أنا والبنات المجلس ونشارك بالفعاليات وما يطلعونلنا بفناتقهم إللي مالها داعي سجلي وحطي وشيلي ومن هالحجي الماصخ ووصلتني رسالتج عالخاص وبإذن الله يعطيج خبر بأسرع وقت

إمتحاناااااااااات البنات ماراح يقدرون يطلعون من المدرسة حساااااااااااااافه والله