هالطبق من ايدينج غييييييير

لانى ماعرف اطبخ[/quote

ضحكتيني بردج ههههههه

اممم انا عن نفسي ماسوي لبعلي الطبخة لطويلة الا مره بالاسبوع لو تهبل لاني ما لي خلق — احب الطبخ بس مالي خلق — فبعطيج 3 طبخات تتميز بالسهوله والسهوله والسهوله والمرونه خخخخ شكو

المهم انا اطبخ نص ديايه لان بس بعلي ياكله انا ما ….

الطبخة االاولى : يبيلج دياية منظفه عدل مدل من غير جلد وفركيه بالملح واليمون وبعدها غسليه عدل وحطي فوقها شوية خل وخليها – هذي خطوة ضرورية علشان الزفره — يبي طاسه وحطي فيه بصله كبيره مفرومه وحبتين ثوم مدقوووق وملح وفلفل اسود وبربيكيا – وفركي الدياية فيه – بعدها شيلي الدياية من الطاسه – بس الدياية وخلي البصل والثوم بالطاسه – قصي بطاط دوائر بعرض البطاطه مو بالطول وجزر دوائر وفركيهم بالبصل والثوم الي بطاسه – لحين حطيهم كلهم بالبايركس اول شي البطاط والجزر بعدها فتحي قوطي بزاليا شخليه من مايه وحطيه واخر شي الدياي – بعدها صبي

1- كاس ماي مغلي داخله ثلاث ترباع معجون
2- كاس ماي مغلي بمكعب واحد ماجي
3- رشة كزبره مفرووومه طازجه ومجففه
وقصدري البايركس وخليه بالفرن على نار خفيفة لمدة ساعتين انتبهي نار خفيفة
اخر شي الفرن فوق بس تحمير للديايه
وسوي يمه عيش مصري بالشيرية والزبده يمم يمم

الطبخة الثانية :-
جدر حطي فيه دهن وايد
وجهزي ( بطاط مدور بحجم كبير اشوي ورشي عليه شوية ابهارت -دياي منزوع الجلد ومرشوش بشوية بهار- فلفل اخضر كبار – جزر اصابع بهري بشوية ابهارات- بصل جواانج رقيقه حيل من غير ابهارات – زهره اذا وجد ) لاتضيفين ذره او كرم لا موشي حوسه يطلع ولا بيديان

اول شي اقلي

الدياي انا اهنيه احط صدرين لزوجي يدووووب يكفيه لانها عذاب تطلع – اقليه بس يشوقر مو يحترق خلي لونه مذهب والماس

لبطاط مو يستوي لا بس عطيه لون اشقر
شيليه ونشفيه من الدهن

اقلي الجزر نفس الشي بس امشوووقر مو يستوي

بعدها الفلف الاخضر والمشروم طازج او قوطي

آخر شي البصل الجوانح الرقيقه

يبي البايركس وحطي البطاط اول شي وبعدها الجزر و و و واخر شي الدياي بس البصل لا تحطينه

بالخلاط ( نص حليب + كريمة + مكعب ماجي+ فلفل + ملح ) وبعدها صبيه على الخلطه وحاولي تكونين امسويه موديل بتصيفج للمقالي فلما تحطين الخلطه لاتقلبين لا بس صبيه والبايركس حركي —– حجيي صار واااايد — الله يعينكم

واخر شي جوانح البصل — اخر شي حاولي يكون البايركس مدور عميق افضل — ومن غير قصدير

دخليها لفرن تقريبا ساعه الا ربع

وايد تعبت وانا اكتب

اخر طبخه وسهله ولذيذه

حق شخص واحد
يبي قطع فيليه دياي امريكانا واقليه خليه مشوقر كانه من كنتاكي هههه

وبطاط اصابع واقليه وبعدها رشي عليه ملح واهو حار

وعلبة ذره وشخليه

يبي البايركس وحطي البطاط بجانبه الفيليه الدياي وبجانب الفيليه الذرة

انتبهو مو تخلطون لا مو شي الحوسه
واكيد البطاط والديي نشفيه من الدهن
بعدها بمقله حطي كريمة
وقفشتين جبن كرافت بس مو متروسين و ثلاثة اراع الماجي بس من غير ملح ولا فلفل لما بقلي الخليط صبيه على البايركس كله ابتدي اول شي بالبطاط لانها تتشرب الكريمة ويطلع طعمه واااااو

واخر لمسه رشي على الذرة باربيكيوا

ودخليها الفرن لين يبقى شويه من الكريمة

وعواااافي على اقلوبكم