هبة دكاتره واللي يشتغلون بالمختبرات

السلام عليكم ..

اليوم موضوعي عن حركه حلوه هابين فيها البنات اللي بدوامي …. انا اشتغل في المختبرات و هم شفتهم على الدكاتره الشباب و البنات عباره عن " سكربات " ستايل ماشيه مع الوان الموضه و غير جذي خامهم سيفتي كونا نتعامل مع مواد خطره

انا سألت البنات دلوني على مصممه تبيعهم عن طريق النت تخيلو بنات طرشتلها السايز و اللون اللي ابيه ايميل و منها الخام و ردت علي بوقت الاستلام و هم دزتلي صور موديلات

و استلمتهم و كان خياطهم جدا نظيف و مرتب و شكلهم ذرب بس طلبتها تطولي التوب و سوتلي اياهم و صممتلي صيفي و طلبت منها شتوي
الصراحه لبستهم بالصيف و عمليين حق الدوام و وفر لي مصاريف السوق
وهذي صور