وبعدين مع بعض الموظفات

صباح الخير
بدش بالموضوع على قولتهم دوووووووقري

الله يسلمكم زوجي كانت عنده معاملة بوحدة من الوزارات ووحدة من الموظفات قالت له خلاص تعال بعد يومين وجيب معاك طابع
قال اوكي قبل لا يمشي قالت له بس حط رقمك عندنا (كنت معاه بالخط لانه كان يسالني عن رقمي المدني)
وسمعته وهو يعطيها الرقم قلت عادي يعني ماعطاها الا عالشان شغل
عطاها رقمي ورقمه
وعقب نص الساعه ولا رقم غريب يدق علي انا ما مداني اقول الو الا تسكر بوجهي يامال التسكيرة

وعقبها بساعه دقيت على زوجي قلت له في رقم غريب داق علي شافه ولا يقول هذه الموظفة بوزارة الافلانية خير بابا شكو شتبين
جان اقوله خير شيبون
قالي تقول ان استلم الورقة بعد يومين قلت له اوكي مو هي قالت لك هالكلام اهناك شكو الحلوة داقه حابه تنبهك ولا خايفه انك تنسى
مالت عليها وبعدين (شكو تسكره بوجهي) ماكلمتني صوتي ماعجبها

امنا بالله دقيتي مرة مرتين وبعدين كل شوي داقه مرة جيب طابع
ومرة تشرح له اذا راح لهم بعد يومين شنو راح يسوي شكو مادري
والله انه اخر شي زوجي قالي ردي عليها لاني متحلفة فيه ان شفت عليه شي بعد اكثر من المشاكل الي صارت قبل بيصير شي ثاني مسكين دقت عطاني التلفون قلت الو جان تقولي بس حبيت اذكركم انكم مقدمين طلب مادري شخربطت استلموه عقب يومين
وسكرت التلفون حتى ما خلتني اكمل واكلها
عاد انا ودي اسوي ان لمن زوجي بيروح يسلتم الورقة اروح معاه
وقط عليها جم كلمة
وحابه اقولها يا محترمة اذا انتي طايحه بجبد نفسج ترى زوجي مو نفسج عنده مرة وبيت واعيال

واذا حابة تقزرينها قزريها على واحد نفسج يقزرها عليج وعلى عشرة من اشكالج
ولا تضيعين بيت كامل واعيال بسبتج ما تنلامين من الغيرة والحمدلله ان ما افكر اخرب بيتي او اسوي مشاكل مع زوجي بسبتج
بس وربي ما اقول الا حسبي الله ونعم الوكيل فيها