وداعا للصراخ والنرفزة بالحصة .الطالبة تشاهد خطأها فكرة حلوة تفضلوا بالصور

ودااااعا للصراخ

وداعا للنرفزة ورفعة الضغط

فكرتي

فيها إحترام للطالبات

فيها تنبيه للمخطأة

ولغير المخطأة

فيها راحة بال لي

فيها حفظ لصوتي عن الصراخ

يلى نبدي يالغاليات

كل قوانينج إللي تحبين يتبعونها المتعلمين بالحصة

كتبيها على بطاقات مشوقة للأطفال

وحتى الكبار بطاقات تكون مناسبة لسنهم

مثل هذي البطاقات للإبتدائي

وهذي البطاقة للثانوي والمتوسط

المهم الفكرة

أكتب على كل بطاقة قانون من القوانين المهمة إللي تساعدني في الشرح مثلا

1- لا تتكلم بدون إستئذان

2- لا تقوم من مكان بدون إستئذان

3- إرفع يدك بدوت صوت عالي

4- لا تعبث بأدواتك وإنتبه معي

5- لا تتكلم مع زميلك

6- إجلس جلسة صحيحية

وهكذا

بعد ما تكتبين هذي القوانين على البطاقات غلفيها تغليف حراري عشان تحافظين عليها

وحطيها بوسيلة حلوة من إبداعج

وخليها معاج بكل حصة

شلون

الطالب كل ما يسوي شي غلط

أشري على الخطأ إللي سواه

يعني مثلا

خالد تكلم بدون إستئذان

بدال ما أصرخ عليه وأفشله

اقوله خالد لو سمحت …وتأشرين على البطاقة إللي مكتوب عليها

إستأذن قبل الكلام

شراح يصر هني

خالد راح ينتبه لخطأه …وراح يستحي لإنج عاملتيه بإحترام

وراح يحبج لأنه مو كل الأبلات يعاملونه جذي

ولا مو بس جذي

ليما تأشرين على البطاقة الكل راح ينتبه للخطأ وما راح يسوونه

إذا مافاد معاه إنتقلي للخطوة الثانية

خلي معاج بطاقات ملونة

وحدة لونها أخضر قصيها بطريقة حلوة كبر كف اليد

وغلفيها تغليف حراري

ووحدة لونها أحمر ووحدة لونها أسود

وطبعا هذيل معاج محطوطين مع لوحة التنبيهات …

ويكونون عارفين كل لون شنو معناه ؟؟؟

ليش هالبطاقات الملونة

إذا ما فاد التبيه لا تصرخين …لااااااااا ….خلي عنج الصراخ

خلي تعاملج راقي بإحترام

عطيه البطاقة إللي لونها أخضر ..وهذي تعني ((لازم تيي بالفرصة أتفاهم معاك بيني وبينك ))

إذا مافاد الحصة إللي وراها

عطيه البطاقة إللي لونها أحمر
وهذي تعني ((لازم ننزل آنا معاك عند الإخصائية تتفاهم معاك ))

إذا ما فاد

عطيه البطاقة إللي لونه أسود

وهذي تعني ((خلاص إستدعاء لولي الأمر ))

عاد التعليمات والقوانين تتختلف على حسب المرحلة العمرية

بس حبيت أوضح الفكرة وكل وحدة تضيف وتغير عليها على حسب
إذا كانو بنات أو صبيان ..كبار وله صغر

جذي تعاملج كان جدا جدا جدا راقي

بعيد عن الصراخ

فيه إحترام

فيه هدوء أعصاب

ودااااعا للسكر والضغط

خلااااااااص ما في سكر وضغط

فيه خناااااااااااازير

أبي منكم دعوة خاااصة بظهر الغيب

لأبوي وخالتي

إنه الله يشافيهم من السرطان

وإنه الله يوفقني بحياتي الدينية والدنيوية