بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
شلونكم بنات انا عندي ولدي يعاني من اكزيما بوجهه وايدينه وما بقى شي ما سويته بس مو راضيه تروح
قالولي ما راح تروح ليما يصير عمره سنه بس الحين اهو عمره فوق السنه وليما الحين ما راحت
وصراحه ما ادري شسوي اهو حييل تعبان منها لدرجه ان احيانا ما ينا م لانها حيييل تحكه
ياليت بنات الي مرت بتجربتي وتعرف شغله زينه ممكن انها تفيده انشا الله تقولي وجزاها الله الف خير
السلام عليكم
شلونكم بنات انا عندي ولدي يعاني من اكزيما بوجهه وايدينه وما بقى شي ما سويته بس مو راضيه تروح
قالولي ما راح تروح ليما يصير عمره سنه بس الحين اهو عمره فوق السنه وليما الحين ما راحت
وصراحه ما ادري شسوي اهو حييل تعبان منها لدرجه ان احيانا ما ينا م لانها حيييل تحكه
ياليت بنات الي مرت بتجربتي وتعرف شغله زينه ممكن انها تفيده انشا الله تقولي وجزاها الله الف خير
والله يشافي ولدج ان شاء الله
الاكزيما ماتروح الا بعد 3 سنوات
وهالشي صاار في بنتي
واستخدمت لها سدر مطحووون واايد يبرد مناطق الحك ويخفف الاكزيما واايد
ينطح السدر بودر وتخلطينه مع ماااي
واذا ماي زمزم يكون احسن
ومايشوووف شر
انا ما ادري عن ولدج بس اختي تاكل بفك وعصير وايد وهالاشياء فيها الوان
بس اقطعته راحت سبحن الله
ما يشوف شر
عطيه حليب الصويا بدال العادي
عجيب للاكزيما وحده بوحده
وعطيه حليب الصويا وابعديه عن اي شي فيه قمح وكل هالاشياء تلقين لها ركن خاص بمركز سلطان
وانا استفدت من البنات اهني لان ولدي حاطين له هالحميه علشان الحساسيه..
الله يشفي ولدج ياااااااااااااارب وعيال المسلمين كلهم
بس ديري بالج بعض الاكل يزيدها والحليب بعد انا بنتي كانت خدودها تقطر دم من الاكزيما
مالقيت لها علاج كل علاج مؤقت هالكلام قبل لا يتم عمرها السنه
بس من غيرت حليبها الحمدلله وبفضل من الله خفت
والحين عمرها سنه استخدمت لها كريم اسمه اليكوم elecom عجييييب نسبه الكرتزون فيه خفييييييييفه حيل
ومو كل يوم تطرين تحطينه يالله بالاسبوعين او ثلاث مره او مرتين
وهو ينحط مره وحده بليل اذا نامت
جربيه وانشالله راح تدعيلي
بس اول شي غيري حليبه
وانشالله مايشوف شر
انا ولدي كان شكله يخرع من الاكزيما ترا حل غير الكرتزون ماكوو صدقيني انا جربت كل شي
بس هذا كرتزوون خفيف ما يضر روحي عند دكتور بو حمره واهوا ينفعج