بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
**هالموضوع عباره عن مرجع لقصص واقعيه حصلت وقت الغزو العراقي لدولتنا الغاليه الكويت
اتمنى من كل عضوه تفضلت بالدخول لهذا الموضوع بانها تخصص من وقتها وتقرا قصص العضوات وتحط قصتها
خصوصا ان العديد من العضوات ما لحقوا على الغزو – ومنها نستذكر ايام عشناها الله لا يعودها
تم التحديث 6 / 7 / **
حياكم الله يالغوالي
شرايكم نستذكر هالفتره من حياتنا الله لا يعودها طبعا
وكل وحده تدخل تقول وين كانت وقت الغزو وشنو شافت من احداث
انا من ناحيتي كنت صامده بالكويت وعشت الاحتلال بكل ظروفه واحلى ايام حياتي يوم اللي صعدنا فوق السطوح نكبر واللي احلى واحلى اهو يوم التحرير ظلينا شهر كل يوم مسيره
ناطره اجوبتكم لا تخلون
**هالموضوع عباره عن مرجع لقصص واقعيه حصلت وقت الغزو العراقي لدولتنا الغاليه الكويت
اتمنى من كل عضوه تفضلت بالدخول لهذا الموضوع بانها تخصص من وقتها وتقرا قصص العضوات وتحط قصتها
خصوصا ان العديد من العضوات ما لحقوا على الغزو – ومنها نستذكر ايام عشناها الله لا يعودها
تم التحديث 6 / 7 / **
حياكم الله يالغوالي
شرايكم نستذكر هالفتره من حياتنا الله لا يعودها طبعا
وكل وحده تدخل تقول وين كانت وقت الغزو وشنو شافت من احداث
انا من ناحيتي كنت صامده بالكويت وعشت الاحتلال بكل ظروفه واحلى ايام حياتي يوم اللي صعدنا فوق السطوح نكبر واللي احلى واحلى اهو يوم التحرير ظلينا شهر كل يوم مسيره
ناطره اجوبتكم لا تخلون
وبصراحة أعتبرها اتعس أيام حياتي لأنا فقدنا اثنين من العايله
بس الحمدلله على كل حال ..وعسا الله يآجرنا ولا يردها من أيام ويحفظ ديرتنا من كل شر
وبصراحة أعتبرها اتعس أيام حياتي لأنا فقدنا اثنين من العايله
بس الحمدلله على كل حال ..وعسا الله يآجرنا ولا يردها من أيام ويحفظ ديرتنا من كل شر
يحياتي
الله يرحمهم ويغمد روحهم الجنه
والله يعوضكم كل الخير عن فقدناهم
حبيبتي مريوما الحلوه
اكيد كنتي واعيه نوعا ما على هالايام
وكل الشكر على مرورج
ولله الحمد
وفرحة التحرير ما تساويها فرحة خصوصا احنا شفناها لحظة بلحظة وعشناها بتفاصيلها وكنا نستمتع لما نراقب مضاد الطائرات واهوا يفشل في صيد الطائرات ايام التحرير ههههههههههههههههه
الصراحة ايام صعبة حيييييييييل وخوف بس كان فيها فعلا ترابط ومودة وتعاون بين الكويتيين
الله لا يعيدها من ايام ويحفظ ديرتنا من كل مكرووووه يا رب
مشكورة حبيبتي عالموضوع
وكااانت اياااام الله لا يعيدهاااااا علينااا يارب واللي كااان
بس احلا اياااام لمااا كنا نكبررر فوق السطح وتشوفين الكويتيين شلووون قلبهم على بعض الله لا يفرقنا انشاالله
ونااااسه يووووم التحريرررر كاااان احلى يووووم
الله يحفظ ديرتنااا من كل شررر انشاالله
انا كنت بالكويت شهر وبعدين رحنا السعودية
بس سبحان الله اتذكر
كنت اتذكر الدبابه لما يت فريجنا واحنا انخشينا بين الشير لان كنا رايحين الخباز
اتذكر لما يونا العسكرين يبون يشربون ماي
اتذكر يوم يونا العسكريين مره ثانية يسألون عن ضباط
اتذكر لما كنت انحاش من بيتنا اروح بيت ييرانا >> كنت حدي جريئة بوقتها ههههه بس هم كنت بريئة
اتذكر يوم طلعنا انا واخوي رحنا بيت الييران وخذينا أكله لان أهلنا ما كانوا يدرون
اتذكر ان غيرنا سكنا 3 مرات في الغزو (( اذا مو اكثر لاني كنت صغيرونه ))
والله اتذكر اشياء وايد الحمدلله
وكنا ندق عليهم بس الخطوط مقطوعه وبعدها بجم يوم ابوي دق على بيت خالتي بالسعوديه ولقى اخواني عندها وما انسى هذاك اليوم اول مره اشوف ابوي يبجي من الفرحه على سلامة اخواني
بعدين ردينا من تركيا للسعوديه وقعدنا هناك فترة الغزو كلها
كنت صغيره مااذكر شي
كان عمري اربع سنين وقتها
مشكوره على هالموضوع
وكان عمري ايامها 5 سنين ولي الحين اتذكر كل شي من اول يوم لي التحرير .. الله لايعود هالايام ..
خصوصا انه احنا حيل تعبنا في هالايام لانه ابوي عسكري وكان مقاومه واكثر من مرا يهجمون على بيتنا ومره خذونا كلنا انا وامي وابوي واخواني وخواتي علشان يستجوبون ابوي ويحاولون يسحبون كلام منا .. بس الحمدلله الله كتب لنا عمر يديد وحفظ الوالد اللي ماقصر ضحى علشان البلد وعلشانا ..
الله يخليه لنا ويحفظه يارب مثل ماحفظنا وحفظ الديره .. ويخلي كل كويتي وبالاخص اللي صمدوا وضحوا بعمرهم واستشهدوا علشان هالديره .. ديره الخير .. احبج ياكويت
كان عمري 9 سنوات واتذكر تقريبا كل شي ؟؟
قعدنا بالكويت اسبوعين وطلعناااا لان العراقين حسبي الله عليهم يبـــون امي ..
فابوي ماخلانه بالكويت وطلعنا بيت يدي بالسعودية ..
الحمدلله على كل حاااااااال ..
انا وامي تمنينه نكووون هني صامدين بس خيره ان شاء الله ..
أحبببببببببج ياكووووووووووويت يا اغلى واحلى وارووووووووووع بلد والله مافي مثلج احددددد ..