يومياتي مع الرجيم

السلام عليكم يا بنوتات يا حلوين
أنا كل مرة أقرر أسوي رجيم و أقول خلاص أنا من باجر أبدي رجيم و صج أبدي بس من أي العصر أخرب الرجيم كاكاو حلاو نفيش شبس كل شي يخطر على بالكم حتى الايس كريم
عاد قلت ودي أسوي نفس اليوميات أكتبها بالمنتدى يعني شنو أكلت اليوم
انا مشتركة بالنادي و الله قاعده اتمرن من قلب مو خرابيط بس لان من غير رجيم ماكو فايدة مافي نتيجة

قلت أجرب يمكن البنات اتشجعوني

اليوم الأحد:
الريوق توست أسمر مع جبن ابيض لايت ماركت المراعي
و لازم نسكافية

الغدا استيك مع بطاط مفيوح و سلطة

العصر السناك : بس ما ادري شنوي للحين ( يا خوفي اخربط )

العشى : حليب بالهيل , بيض مفيوح و خس و طماط

بنات شاكل العصر ابي شي في طاقة لاني اروح النادي لازم شي يعطيني power