آخر ترتيب للـرحلـه وللأسـف مو مثـل ما بغيتها فيني بجية تعـالو علموني وين اروح المانيا

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السـلام عليـكم ورحمـة الله وبركـاته

شلونكم بنـات

بنـات ريلـي لما راح يحجز فينا رفيجة اللي بيسافر معانا مو عـاجبـه .. و قـاله انا بقعـد بميونخ
فـريلي بمـا ان خبرة باوربـا ما يبي يخلي رفيجـة بروحـه قاله خلاص احنـا معـاك
و كنسل فيينا و حتى ايطاليا يمكن يخليها بس رحلـة ويمكن لا
خلني اوريكم خط الرحلـة و فيدوني

لان ما اشوف مدح ألمانيا ..
اما النمسا اعرفهـا بس المهم ألمانيـاااا ….

6 ايـام ميونيخ " المانيا "
13 يوم كابرون & زلمسي " مع رحلات " << مو زعلانه لان كل مرة نقعد اسبوعين " النمسا "
يومين قارمـش " المانيا "

ريلي يقـول لازم نضحي شوي لان اول مرة يروحون خلينا نكسبهم

فـ حرام رضيت لان يحبه رفيجه من واهو صغير و حجزو فنادق

بنات وين اروح بميونيخ
انا ما احب السوق بالسفر كلش
ابي اماكن تراثيـة او حدايق او متاحف او شي غريب

لحد يقولي غيري لان ما اقدر صارت تخطيط الرياييل هههههههه
اتوقع حتى مرت رفيج زوجي متوهقـة ..

و قـواكم الله مقدمــا

11 تعليقا على “آخر ترتيب للـرحلـه وللأسـف مو مثـل ما بغيتها فيني بجية تعـالو علموني وين اروح المانيا”

  2. حبيبتي في ميونيخ غير السوق عندج حديقة الحيوان ، والحديقه الأولمبيه فيها الأكواريوم ومتحف bmw ، وروحي ملاهي أوروبا بارك لو تباتين فيها يكون أفضل لأنها فوق ٣ ساعات طريق ، الحديقه الإنجليزيه ، أنا أهلي راحوا يوم واحد زيورخ في سويسرا بالقطار ما ناموا فيها*

    رد
  5. عيش و ملاس
    فديتج سجلتهم كلهم قواج الله

    بخـاري
    المهم الصحبـة السنعـه .. دامهم طيبين بالعكس نكسبهم واليايات اكثـر ان شاءالله و بنعـوض

    رد
  7. لا تحاتين اصلا ميونخ وايد حلوة وجوها حلو عكس فيينا حارة وما تنبغى وكلها طرارين والعرب عسى ما شافوج الا لحقوج وغاليه وايد — رحنا لها ومحد حباها منا
    بالعكس ميونخ وايد أحلى السنتر عجيب وبعيد عنها شوي العاب ليكو لاند وستديو موفي ولا تنسين قارمش وتقدرين تروحين انسبورك من هناك وفينسيا في ايطاليا ، وانتو اصلا حاطين في المخطط أحلى مناطق النمسا
    ان شاء الله بعد أسبوع رايحين مثلكم ولازم نبدي بميونخ وننتهي فيها

    انا عكسج مشكلتي ان محد يحب لندن وما يبونها كل سنة المانيا وسويسرا وفرنسا وهالسنة دخلنا يومين ايطاليا علشان نشوفها كله يبون براد وما حبوا فيينا

    رد
  8. صباح الخير

    مناطقج اللي بتروحين لها حلوه والله
    وان شالله المره اليايه تروحين فيينا بالعكس حلوه وجوها حلو وحاشنا البرد شهر9 المهم الواحد يغير جو

    رد
  9. لا تحاتين مادام نية خير و رضيتي ربك و زوجك اكيد راح تستانسين و الجو هناك حلو لو تروحين حديقة اكيد بستانسين و ان شاءالله خواتنا راح افيدونك….

    رد
  10. واي فديتكم والله ريحتـوني
    انا ميونخ ما نقعد الا ليلة او ليلتين وبس بالاوت ليت ما نطلع كللش

    حتى ولا مرة ركبت تكسيهم او قطارهم

    مشكورين حبايبي

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.