بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مرحبا بنات شخباركم؟
بنات بغيت أسألكم عن اختبار القدرات ابي اعرف كل شي عنه
متى موعده ؟وهل يرفع النسبه بالثانويه العامه مثل مايقولون؟وشنو الأوراق المطلوبه؟ومتى التسجيل الصبح
ولا العصر…
مرحبا بنات شخباركم؟
بنات بغيت أسألكم عن اختبار القدرات ابي اعرف كل شي عنه
متى موعده ؟وهل يرفع النسبه بالثانويه العامه مثل مايقولون؟وشنو الأوراق المطلوبه؟ومتى التسجيل الصبح
ولا العصر…
بالتوفيق
اما قبولج بالجامعه يتوقف اولا واخيرا على نسبــــــــــــــــتــــج
توه خلصت الدوره الاولى منه يوم السبت 19/4
في اختبار ثاني شهر سته او سبعه مو متأكده بس ان شاء الله اول مايعلنون عنه عندنا بالجامعه بحط هني مووضوع عشانج
امري تدللي
والاوراق المطلوبه صورة شخصيه 4×6 وبطاقتج المدنيه ورسوم 5 دنانير لكل اختبار
اذا انتي علمي يتطلب منج اختبار رياضيات وكيميا وانجليزي
واذا انتي ادبي بس اختبار انجليزي
والله يوفقج يالغاليه واي سؤال دزيلي ع الخاص
اتمنى اكون افدتج
بس خلاص اخلصت اخوي قدمها من الفصل الاول وابشرج هو و ربعه اسقطوا بس في امتحانات ثانيه والعاده مدارس الثانويه يحطون اعلانات عنها راجعي الاداره او الوكيله
كفوا وفو البنات
بس ماعليـه لا تحآتيـن راح يفتـح التسجيل اليـاي انشـالله من 21/5/08 ليـن 27/5/08 >> هذا التسجيـل المبكر
وإذا فـاتج تقدرين اتسجليـن بالتسـجيل المتأخر راح يبتدي من تـاريخ 22/6/08 ليـن 26/6/08
اهمـا ثلاث اختبـارات قدرآت ( انجليـزي وريـاضيـات وكيميـا ) وطبعـاً الانجليزي اهوه الأهم ومطلـوب بكل جامعـه
كل امتحـان بـ 5 د.ك للتسجيل المبكـر
وللتسجيل المتأخـر يصيـر الواحد بـ 10 د.ك
وطبعـاُ مو شرط تمتحنينهم كلهم انتي تختـارين الامتحانات اللي تبينهـا
حسب المكان اللي حاطته فبـالج بتدشيـنه شنو يبـون وشنو طالبيـن ؟؟
والامتحـان كلـه عباره عن اختيـاري بس .. مـافيـه أسـأله مقـالية .. و مـدة كل امتحـان ساعة وحدة بس والله حسـافه امتحان الانجليـزي كان سهل بس من ضيج الوقت ما مداني احل شي قمت اشيـر بدون لا اقرا الاسئلـة لأن خلص الوقت..
ومثـل ما قلتي حسـب تقديمج للامتحـان في احتمال انّ يرفع أو ينـزّل المعـدل .. وانتي وحظج ..
بس إذا صقطتي الله لا يـقول عادي تقـدرين تقدمينه مرة ثانيـه وثالثه .. واهمـا يشوفون اختباراتج الثلاث وياخذون أعلى نسبـة فيهم ..
أعتقـد التسجيل المبكر يكون العصـر .. والتسجيل المتأخر يكون الصـبح
وطبعـاً الامتحـان يتم تقديمـه الصبح .. وإنتي لا رحتي اتسجلين راح تعرفيـن كل شي انشالله
ورآح يعطونج كتـاب فيه نماذج سـابقـة للامتحانـات تدرسينه عدل وتروحين تقدميـن ..
بالنسبـة للأوراق المطلـوبة ما يـبون اورآق ولا شي يبـون بس بطاقتـج المدنيـة
اتييبينهـا معاج لا رحتي اتسجليـن ولآ رحتي تقدمين الامتحـان ظروري اتكون موجودة معـاج
وصورة وحدة شخصـيه .. ومع الـ 5 دنانير لكل امتـحان وبس ..
هذا موقـع القـدرات
http://cmtd.kuniv.edu.kw/
وحاطيـن فيه نماذج تقـدرين تحلينه ويقولج درجتج
اختـاري TRY EXAMS
وإذا انتي علمـي مو شرط أساسي انج تقدميـن الكيميـا والرياضيات
يعتمـد على المكـان اللي تبيـنه
آنا يوم سجلت حق القدرات كنت حاطـه فبالي كليـة البنـات
واهمـا طالبين انجليزي وريـاضيات وسجلتهم ..
بس يوم سألت قـالولي لا احنـا بس نبي انجليزي والرياضيات مو مهم
فحـــسب المكـــان ..
وأي سؤال ثـاني احنـا حاضريـــــن والله يوفقـج
و الانجليـزي السقـوط يكون أقل من 60
الريـاضيات والكيميـا السفوط أقل من 50
بشـروا شـلون نتـايجكم؟
آنـا صاقطـة بالريـاضيات .. >> حدي شـيرت الاجابات ما قريت الأسئلـة
سمره امين الله يوفقج يارب وين ماتلقين وجهج … انا سقطت بالرياضيات والانجليزي ومو اول مره كله اسقط << ياربي مع اني اقدم الامتحانات باخلاص واطلع مستانسه ؟
بس بغيت اسألج صج ممكن ينزل النسبه ياويلي انا يوم قمت اسجل قالولي يايرفعها ياثبتها ماينزل عز الله رحنا وطي
والوقت يلعن ابليسه مايكفي لا عشتو مايخلونا نرجع للي ماخلاصنا شهالخبال وين مديرهم بناقشه
ترى الصبيان يخلونهم على كيفهم دايم مدلعينهم ..خلونا نحقد عليهم اكثر
تخليوا بنات نسب قبول الهندسه السنه هذي للبنات 88.. والشباب 77 ؟.؟؟ شهالضلم شكله بحول لولد
الله يسامحهم
بس بغيت اسألج صج ممكن ينزل النسبه ياويلي انا يوم قمت اسجل قالولي يايرفعها ياثبتها ماينزل عز الله رحنا وطي
والوقت يلعن ابليسه مايكفي لا عشتو مايخلونا نرجع للي ماخلاصنا شهالخبال وين مديرهم بناقشه
ترى الصبيان يخلونهم على كيفهم دايم مدلعينهم ..خلونا نحقد عليهم اكثر
تخليوا بنات نسب قبول الهندسه السنه هذي للبنات 88.. والشباب 77 ؟.؟؟ شهالضلم شكله بحول لولد
الله يسامحهم
وصاجـه سالفه الوقت مشكلـه عويصـه آنا عانيت منها صراحة
خاصه امتحـآن الانجليزي شـطوله وفيه 3 فقـرات كومبرهنشن مو شـوية
وين يمدينـا نقراهمـ بساعه فوق الأسـئله اللي قبـله
يعني حتى اللي Perfect بالإنجليزي قاعديـن يصقـطون
تحسينهمـ متعمدين
وصح إهو فيه احتمال ينزل النسبـة ماكو شي اسمه يثبتهـا
وإذا نزلت أعتقد يسمونـه المعـدّل المكافيء يعني اللي بعد القدرات ..
وعـادي لا تحـاتين حتى إذا نزل اهم حاطين نسب بعد حق المكافيء
كل وحدة لهـا فرصه تقدّم ثلاث امتحـانات بالسنة..
وإذا صقطي فيهمـ كلهمـ تاخذين كورس تمهيدي..
عشان خاطر جـــوجــو