الي يعانون من القولون العصبي ابيكم

14 تعليقا على “الي يعانون من القولون العصبي ابيكم”

1. ابتعدي عن الحليب و الملفوف والخس وهالسوالف

   وماتشوفين شر الزم ماعليج صحتج شلج بالتفيكر وعوار الراس

   ---

   ---

   رد
2. سلامات الاسطوره يا كره القولون لما يتفخ البطن جنه بالونه

   انا ما اخذ حبوب تعلمي تسترخين بدون ادويه وابتعدي عن اي شي يضايقج وسمعي موسيقى هاديه .. وراقبي اكلج وابتعدي عن البقوليات والحليب واللبن والخيار والفلافل والزعتر واكلي اشياء مودسمة

   انا سامعه بحبوب ياخذونها حق الانتفاخ بس ما اعرفهم ان شاءالله البنات يفيدونج زود

   ---

   ---

   رد
3. سلامات الاسطوريه ..

   ماتشوفين شر ان شاءالله..

   انا امي فيه قالون عصبي..

   اسالها باجر عنه..

   ---

   ---

   رد
4. مشكورين بنات الشرما اييكم

   سوبر ماركت الدكتور قالي الخس زين؟

   والنعناع بعد قال وايد زين

   ---

   ---

   رد
5. هلا الاسطوره انا اعتقد فيني بعد صراحه مارحت للطبيب بس من اشكي وبطني ينتفخ واسأل يقولولي اي هذا قالون عصبي بالنسبه للاكل والله مادري بس صح لاحضه لمن اشرب نعناع ارتاح بس اعتقد مثل ماقال الدكتور الراحه النفسيه

   بس من وين نجيب الراحه النفسيه؟؟

   ---

   ---

   رد
7. اي والله ماتنباع

   معاناه

   ---

   ---

   رد
8. ماتشوفين شر انا القولون تعودت عليه واهو تعود علي بطلت ادويه من دهر بس قمت اعلم نفسي ماعصب

   ---

   ---

   رد
9. انا معاي القولون وقالي الدكتور كل شغله تحسين انها تسببلك انتفاخ او عوار لما تاكلينها ابتعدي عنها وابتعدي عن التوتر لانه يزيد العوار طبعا انا كل شئ يسويلي انتفاخ ويمكن ما تصدقيني لما اقولك حتي المي يسببلي انتفاخ حالتي كسيفه وطبعا اللحوم ابتعدي عنها بس السمك لا والمعجنات والخبز والعيش والبيبسي شربي عصير برتقال وايد عي الريق وابتعدي الدهون والوجبات السريعه وكثري سلطات هذا بالنسبه لي لان كل شئ اكله يتعبني واسلم شئ العصاير والسلطات

   ---

   ---

   رد
10. الله يعينا اجمعين صج متعب ويتعب النفسيه هو بنفسه

    ---

    ---

    رد
11. ما تشوفين شر

    احنا بعايلتنا متعودين عالقولون لان وراثه فينا … بس اهم شي الراااحه النفسيه انا مره من كثر ما شب علي بسبة الدوام ومشاكله لدرجه ما قدرت اوقف على حيلي اسبوع و تعبت وودوني الطواريء بالهادي .. كانت دكتوري اشرف زهيري يهبلللل وعطاني علاج يهبلل بس هالموضوع من سنتين

    الحبوب الحمر اذكر اخذتها بس نسيت والله … من زمان عنها انتي مري المستوصف وسألي عادي

    البرتقال ممتاز و العنب و الرقي والكمون وابتعدي عن الحليب و العيش و البهارات والفاصوليا و الفول والفلافل مصيييبه ديري بالج تكثرين منها …انتي لا تحرمين نفسج من الاكل الواحد لازم يشتهي بس لا تكثرين

    عندج اعشاب عند عسل المرشد حق القولون و في اعشاب عند الحواج حق القولون روحي حق واحد شاطر وبيعطيج..عندج مثلا الشيح والكمون و اليانسون

    وفي عندج ماركة ناتشورال ميد natural made الطبيعيه ..الدكتور وصف لامي مسحوق مثل البودره تحطه مع الحليب او اي مشروب مفضل وماااله طعم ابداااا امي ارتاحت عليه وامي ترى قولونها حااااد والعلاج مفيد حق النفخه والقولون والغازات وضغط الدم والسكر ما منه مضر وطبيعي

    انا انصحج بالاعشاب والاشياء الطبيعيه والفواااااااااكه مهمه لا تعودين معدتج على الادويه والحبوب

    قريت ان الكيوي ممتااااز للقولون على الريق بس ما جربته

    ---

    ---

    رد
13. مشكووووووووووووووووره بعد عمر ي ماقصرتي رايتج بيضا

    ---

    ---

    رد
14. الحليب والاجبان سمعت انه يسبب اسهال وانتوا بكرامهحق اللي في قولون عصبي بس يمكن كل حاله غير

    ---

    ---

    رد
15. ماتشوفين شر ياقلبي والقولون العصبي معاي من سنين بس عرفت شلون أتعامل معاه ومع الوقت تعرفين الله يشافيج وفيه علاج بسيط وجاب معاي نتيجه في وقت ذبحني فيه الألم واللاوي المؤلم
    على فجة الريج تاكلين روب مخلوط معاه الدباغ ماأدري تعرفينه مال الصميل <<شكلج حضريه منتي بعارفه
    باسهلها عليج أخذي رمان يابس مطحون أخذي ملعقه الحوس مالة السكر واخلطي الرمان الناشف مع الروب لمدة 7أيام والله انه زين وجزاها الله خير الي ذكرت هالعلاج وترى الرمان ممتاز لأوجاع الباطنيه ,,,

    ---

    ---

    رد
16. ماتشوفين شر يالغاليه

    والقولون العصبي داء العصر

    ابتعدي عن البقوليات والفلافل يمه تذبح والبهارات والعلوب وكل شي سبايسي

    وعلى فكره في مرات اكلات معينه تثير قولونج في حين انها تريح شخص آخر…..اعطيج مثال انا اخوي مايهدى قولونه الا لما يشرب حليب بارد !!!!!

    واهم دوا اللي هو الراحه النفسيه ولاتحاتين

    وماجوره ان شاءالله

    ---

    ---

    رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.