بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
اللي اعرفه ان مو كل شي تقدر تاكله اللي بالنفاس
و ادري ان النفاس لازم اكل صحي حق البيبي و ادرار الحليب
شاركيني بشنو تريقتي و غداك و عشاك ؟؟
و ياليت يتثبت الموضوع حق البجريات
اللي اعرفه ان مو كل شي تقدر تاكله اللي بالنفاس
و ادري ان النفاس لازم اكل صحي حق البيبي و ادرار الحليب
شاركيني بشنو تريقتي و غداك و عشاك ؟؟
و ياليت يتثبت الموضوع حق البجريات
بس خووش موضوع ياليت البنات يفيدونا
قلاص حليب حااااااااار مع ملعقة لهوم وشوي فلفل اسود مع التمره الخاصه فيني
هذا الساعه 5 الفجر
وعلى 9 الصبح عصيده مع خلطة اعشاب خاصه .
وعلى 10 الصبح قلاص كبير من الطبيخه المغليه
و الظهر قبوط او مرقوق الموجود واحد معاه شوي مردود .. يطبخ معااه يهبل واكله ع الغدا يكون معاه دجاج او لحم المتوفر وطبعا يجي معاه الكوسا والباذنجان والبطاط والجزر .. صحن صغير
و العصر قلاص حليب ثاني .
والمغرب كوب طبيخه .
والعشا كوب من خلطة نورة
ومرات اشتهي حلو اخذت درزن من حلو سينابون اللي بالقرفه واكل لي قطعه منه باليوم
و الليل شوربه جريش او هريس ..
طبعا احط بين الوجبات موز ـ وحبوب الكالسيوم والحديد وفولك اسيد عشان شعري وضروسي لا يطيحون .
وشربت عصير افوكادوا واااايد يهبل ..
عن نفسي ,, لابد من المرقوق والحسو وشوربة الدجاج ومعاها لسان العصفور << عجيب طعمها جربوها وادعولي
وحليب بالحلبه,, ومرات امي تغير لنا تسوي معكرونه ومرات صينيه دجاج وخبز ايراني ,, وكثري جرجير ممتاز لفقر الدم
واللي يقولج لاتشربين ماي متخلف رسمي اهم شيء الماي حتى لايحوشج التهاب بول تكرمين ,,,
والجبن والبيض نوعي بريوقج ,,,
باختصار فترة النفاس مو حكره على اكل معين اهم شيء اكل دافي وسوائل دافيه وانج تاكلين قد معدتج لاتغصبين نفسج بالاكل وتنغثين ولا تجوعين بالمره ,,,خير الامور الوسط بكل شيئ
والريجيم والاشياء البارده لاحقين عليها بعد النفاس
اب
انا اليوم ثاني يوم لي نفاس
الريوق اكلت بيض وشربت حليب وخذيت قفشة لهوم
والغدا قبوط
والعشا لي الحين ما ادري
خلج على الشوربات الحارة مع الحوايج والفلفل الاسود ، القبوط ، المعكرونة ، صينية دياي مشوي مع بطاط وخضرة
,,, اللسته طويله والحمدلله عالنعمة
بس صج اهم شي الحليب الحار مع الحلبة اول 10 ايام بس
والحسو انا اكله الصبح قبل الريوق
الريوق بيض اجبان …الريوق العادي
شوقتوني على اكل النفاس
قلت ابي اغير شوي .
وعلى النار جدر شكبره خضار ( جزر ـ فلفل بارد ـ كوسا ـ باذنجان ـ بطاط ـ ) ونص دجاجه طازجه ( اليوم ريلي اشترى دجاج طازج يقول مغذي اكثر من المثلج ) مع اني راح اثلجهم كلهم بس شقول .
وناطره الاكل يصير لان هذه الوجبه اللي قبل العشا
وريوقي اكيد بيض مفيوح وقلاص حليب كبير مع حلبه .
تعرفون مع اني انصح الناس تشرب حلبه بس مالي خلق لها .. استغفر الله باب النجار مخلع
شنو الممنوعات ؟