بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلااام عليكم
شلونكم حبوبات ؟؟
أنا بسجل لينير إنشالله كورس أول بس محتاره بالدكاتره فياليت تفيدوني منو أحسن أو شتعرفون فيهم
منو أحسن واحد يفهم ومنو اللي يعطي درجات ؟؟؟؟
واللي منزلين لينير كورس أول :
أوريل بيجانكو
شاندرا موهان باريك
ماريان ديكونيسكو
رياض راشد خزعل
محمد غبله
رياض محمود
وراح أكوون شاكره لكم 
السلااام عليكم
شلونكم حبوبات ؟؟
أنا بسجل لينير إنشالله كورس أول بس محتاره بالدكاتره فياليت تفيدوني منو أحسن أو شتعرفون فيهم
منو أحسن واحد يفهم ومنو اللي يعطي درجات ؟؟؟؟
واللي منزلين لينير كورس أول :
أوريل بيجانكو
شاندرا موهان باريك
ماريان ديكونيسكو
رياض راشد خزعل
محمد غبله
رياض محمود
وراح أكوون شاكره لكم
آخر واحد ظافر محمود مو رياض محمود !!
وموفقة ان شاء الله ..
وانتي بعد موفقه
رفيجتي الكورس اللي طااف خذت عند ريااض خزعل شرحه مو ذااك الزود ما يفهم بس يعطي درجات تقول تصليحه حلو…
وهم رفيجتي الثانية خذت عند بيجانكو يحب الحضور لازم تحضرين كل المحاضرات اهوا يقعد يشرح على السبورة وانتوا كل اسبوع تصورون نوت ينزلها بالتصوير شرحه بالانجليزي وتصلحيه عاادي تقول زوين..
انا سمعت انا ظاافر زين..
وموفقة..
يعني انا الحين استبعدت شاندرا و محمد غبله وماريان
حده عجيب هالدكتور شرحه عجيب و كل اسئله الامتحان ما تطلع من النوت يعطي بونس حق اللي تحضر دايما و تصليحه عجيب
شرحه بالانجليزي لانه اهو روماني
نصيحه مني اخذي عنده انا خذيت عنده
شاندرا موهان باريك
لا يحوشك لا تاخذين عنده ابدا ولا تفكيرين ابدا شرحه كله من مخه و لا شي من اللي يقوله نفس اللي بالكتاب و ياويلج اذا ما حليتي مثل طريقه
ماريان ديكونيسكو
لا تعليق
رياض راشد خزعل
هذا الدكتور والله حرام عليه اللي عطاه شهادة الدكتواء شرحه كله يمسك الكتاب و ينقل على السبوره من غير كلام و بس هاااه و هااااه
و لما تناقشينه بالامتحان يقول انا حسيت انج حاله غلط ما له داعي اشوف الحل يمشي على الاحساس ما يحب احد يراجعه بمكتبه
لا تاخذين عنده لا اهو ولا شاندرا و لا حيدر خاجه
محمد غبله
نفس الشي شرحه مو شي بس ظليمته شينه يساعد بس اهو ما يعرف يشرح عدل
ظافر محمود
لا تعليق
تبين تاخذين لينر يا عند اوريل او عبد الواحد حمدي
إنشالله تكون شعبته مبطله باجر إنشالله
up
up
اذا تبين درجات بس ما يفهم مالج الا ظاااافر
سمعي حبيبتي عندي وحده من رفيجاتي كانت ماخذه عند بدر الشمري تقول شرحه موزين ولاتفهمين منه بس يعطي درجات ويرفع القريدات
ورياض خزعل مادري بس رفيجة رفيجتي مدحته لنا حيل وطيرته بالسما وعلى اساس باخذ عنده بس دام تقولون انه موزين اجل شلته من بالي ^_^
الله يوفقج حبوبه
بس انصدمت مساع دشيت السيستم وما سجلني لينير كاتبين للمستجدين فقط @@
الله يعينا على ما يخلصوون…
اللي ما يمدحون بدر الشمري غلطانين دكتور ما شاء الله عليه اهو من احسن دكاترة الكليه اما راض خزعل اخر الكورس روحي بنفسج و شوفي القريدات و سالي البنات اللي عنده و شوفي شنو يقولون لج