مدرسة الجهراء الأهليه ؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرحبااااا بنات

بنات بغيتكم بخدمه بسيطه واتمنى تساعدوني في اقرب وقت

بغيت اسألكم عن مدرسة الجهراء الأهليه شرايكم فيها؟في ناس تمدحها وفي ناس تذمها وفي ناس تقول تعطي درجات وتساعد طالبات الثانويه العامه وفي ناس تقول حالها حال باقي المدارس بصراحه احترت وانا ودي اجيب نسبه بالثانويه العامه ..

بنات ساعدوني …اللي عندها احد بهالمدرسه تقولي؟شلون نظامها وشلونهم مع الدرجات يساعدون ولا لأ؟واللي تعرف مدرسه خاصه بالجهراء تساعد وحلوه تقولي ولا تتردد لإني صج صج محتاره ماادري وين اروح ؟

…

وجزاكم الله خييير

المواضيع المتشابهه:

6 تعليقات على “مدرسة الجهراء الأهليه ؟”

  2. حبيبتي مدرسة الجهراء الاهليـــه حالها حال اي مدرسه خااصه وهي معترف فيهاااا..

    ونظامهم نفس نظـــاام المدارس الحكوميـــه ..

    والثانويه العامه بنص السنــه وآخر السنه امتحاناتهم تكون في مدارس حكوميه يعني غير المدرســـه والتصحيح يكون هم بالمدراس الحكوميه وراح يظلمونج حييييل وهذا صار مع بنااات كثيره..

    خلج بمدرســتج احلى على الاقل ماتنظلمين بالتصحيح والدرجاات والمعدل..

    رد
  3. هلا والله أختي Dandona

    أنا عارفه هذا كله…انا اللي ابيه إنهم يساعدوني بالأشهر وانا طبعا بدرس وبسوي اللي علي …بس في شغله مهمه خلتني افكر إني أنتقل لها وهي إن في 25 درجه للطالبه يعطونها للبنت كااااااامله اما باقي المدارس الحكوميه مايعطونها كامله وخاصة بمدرستنا المعقده أعلى وحده تدرين جم ؟7من 25 مو ظلم ؟
    تعالي وشوفي نسب الثانويه العامه عندنا المتفوقات ينعدون علي الأصابع مايزيدون عن 10 طالبات بجميع المراحل…بصراحه انا لما شفت النسب صار فيني احباط وقلت مستحيل اقعد بمدرستي واكمل الثانويه العامه فيها …

    واشكرج أختيDandona علي مرورج وعلي سرعة الرد

    وانا ناطر باقي البنات يساعدوني

    رد
  4. بنات شفيكم؟ليييييش مطنشين

    ماعندي وقت ضروري تساعدوني بنقل اوراقي خلال هالأسبوع

    ابي خبرتكم ورايكم بلييييييييييييز

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.