معلمات التربيه الاسلاميه ممكن مساعد؟؟

14 تعليقا على “معلمات التربيه الاسلاميه ممكن مساعد؟؟”

1. آنا كويتية

   بس قبل جم سنة قابلوني

   مافي إختبار تسميع للقرآن الكريم نهاااائيا

   الإختبار يالغالية كالآتي

   1- إختبار تحريري

   ويكون فيه أسألة عامة من السيرة والفقه والعقيدة …ألخ
   أسألة من كتب الطلبة إللي ندرسها مو صعبة وايد
   مثل نواقض الوضوء..أركان الصلاة ..أنواع التوحيد

   يعني هكذا

   وبالإختبار التحريري إيي لج تسميع تحريري لسورة من الجزء الثلاثين
   أذكر كانت سورة الليل ..وفيه جم سؤال بسيط عن التجويد

   2- إختبار شفوي

   وهذا نفس اليوم مباشرة بعد الإختبار التحريري
   تدخلين على لجنة مكونة من مجموعة موجهين وأحيانا يكون بينهم موجهات

   أول شي يخليج تفتحين المصحف وتقرين آيات الموجه يختارها لج من المصحف ..لازم تكون القراءة بالتجويد
   وإنتي تقرين يسألج عن أحكام التجويد..وبعض الأسألة العامة عن الآيات
   مثلا آنا أذكر كنت أقرا يا بني إسرائيل ,,جان يسألني منو بني إسرائيل

   وبعد القراءة يبدون الموجهين يسألونج أسألة عامة في العقيدة والسيرة والفقه ..وهكذا
   بعدين موجه من الموجهين يسألج سؤال تربوي مثلا عن التحضر ,,أو كيفية ضبط الفصل ,,يعني شي تربوي

   وبس بجذي تخلص المقابلة وتنطرين يدقون عليج على النتيجة

   طبعا مهم عندهم جدا جدا شخصيتج ..لازم تكون متزنة وقوية وصوتج واااضح بالإجابة والثقة بالنفس جدا مهمممممة

   موفقة يالغالية

   ---

   ---

   رد
2. ابلــــــــــــــــــــه كــــــــويتيه مشكوره حياتي ويعطيك العافيه والله يطمن قلبك لئنك وضحتي لى الصوره لئن ما عندى فكره عن الموضوع

   اذا ممكن طلب اخير شلون القى المناهج التربيه الاسلاميه عندك في الكويت
   بحفظ الكريم

   ---

   ---

   رد

3. اتمنى من اللى يدخل الموضوع وخاصه معلمات التربيه الاسلاميه

   يقولون شنو صار معهم في المقابله واكون شاكره لكم بحفظ الكريم

   ---

   ---

   رد
4. الله يوفقج ويكتبلج الي فيه الخير

   ---

   ---

   رد
5. أبلة كويتيه

   ماقصرتي على هالمعلومات
   بس ياليت توضحين لي وش قصدك
   ((وبالإختبار التحريري إيي لج تسميع تحريري لسورة من الجزء الثلاثين
   أذكر كانت سورة الليل ..وفيه جم سؤال بسيط عن التجويد))

   قصدك تسميع بدون ماافتح المصحف
   او تلاوه من المصحف يالغاليه
   ربي يجزاك الف خير
   وياليت من الاخوات يساعدونا في كيفية واسئلة المقابلة؟؟

   ---

   ---

   رد
7. حبيبتي أنصحك قبل الإختبار تراجعين أحكام النون الساكنه والتنوين
   و علوم الحديث بشكل عام الصحيح الحسن الضعيف المقطوع ……….إلخ
   والأربعين النوويه حفظ لأن في الإختبار راح يكون في أكملي الحديث
   والجزء الثلاثين من القرآن لانه راح يكون في أكملي الآيه
   وبعدين راح يكون في أسئله عامه مثل : من مؤلف كتاب إحياء علوم الدين /اول من جهر بالقران / من العشره المبشرين بالجنه
   حكم القتل الخطأ / ماذا تعني علامة قلى أوصلى في القرآن //هذا بالنسبه للإختبار التحريري
   أما الشفوي : راح يكون في لجنه مكونه من ثلاث أو اربع موجهين أول شي راح يطلبون منك تفتحين المصحف وتقرين وبعدين يسألونك عن حكم تجويدي أو معنى كلمه أوسبب النزول
   وبعدين سؤال عام ونتي وحظك أنا سألوني عدد أسماء القرآن الكريم عددي أسماء الملائكه ووظائفها

   وأخر شي سؤال تربوي أنا سألوني شروط الوسيله الصحيحه
   وأهم شي القراءه الصحيحه مع التجويد و الشخصيه حتى لو ماعرفتي الاجابه على الأسئله وكنتي واثقه من نفسك وغير خايفه ومرتبكه وصوتك واضح راح ينجحونك
   وحده من زميلاتي سألوها عن أحد الأحاديث وماعرفته فقالت لها الموجهه شلون تصيرين مدرسه ونتي ماتعرفين الحديث؟؟
   فقالت لها زميلتي بعصبيه موشرط المدرسه تكون حافظه لجميع الأحاديث!!! ونجحت في المقابله
   والله يوفقك

   ---

   ---

   رد
8. موفقين إن شاء الله تعالى

   الإختبار التحريري للقرآن يكون من غير فتح المصحف عن غيب

   يكون كتابة في الإختبار التحريري لسورة أهما يختارونها من الجزء ال 30

   ---

   ---

   رد
9. رفع لعيون ملوكه الله يوفقك يارب….

   ---

   ---

   رد
10. ابله كويتيه ربي يجزاك كل خير

    وكل الاخوات الكريمات

    ---

    ---

    رد
11. حياااتي مدري توني انقبلت ماكان في اي اختبار
    بس فحوصااات

    مدري ياقلبي

    هذا اللي اعرفه

    عسي الله يوفقج

    ---

    ---

    رد
13. ياليت من الاخوات يفيدونا بالمزيد من التجارب ..

    ربي يجزاكم كل خير

    ---

    ---

    رد
14. الله اكبر
    سبحان الله وبحمده…

    ---

    ---

    رد
15. تسميع في لكن تحريري ومن جزء عم
    والمقابلة فيها تلاوة
    ومعلومات سيرة مبدأيه
    ويجمعون لك درجه التحرير مع المقابلة وتنجحين إن شاء الله

    ---

    ---

    رد
16. عقاريه ربي يجعله بميزان حسناتك

    ماقصرتي

    طيب حبيت أسال يسألوني من مناهج المرحلة المتوسطة ام الثانوية ؟

    ماقصرتوا ومو غريبة على هالمنتدى التعاون ..

    ---

    ---

    رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.