بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمه الله وبركاته
كويتيات شلونكم
بغيت منكم خدمه ،، انا و زوجي قررنا نجي الكويت يومين نغير جو 
وياليت تدلوني بأماكن حلوة غير المجمعات
وشكرا.gif "Eh S(21)")
السلام عليكم ورحمه الله وبركاته
كويتيات شلونكم
بغيت منكم خدمه ،، انا و زوجي قررنا نجي الكويت يومين نغير جو
وياليت تدلوني بأماكن حلوة غير المجمعات
وشكرا
عندج منتزه الخيران واايد وناااسه
المدينة الترفيهيه اذا عندكم يهال راح يستانسون وحتى لو يايين بدون يهال هم راح تستانسون
وعندج حديقة الشعب
وعندج الاكوابارك مدينه مائيه
وطبعا المجمعات واايد
بس انا ذكرتلج هذول لانج قلتي غير المجمعات
واي خدمه انا حاظره
في عندنا صالة التزلج على الزليج
المدينه الترفيهيه
حديقة الشعب
الاكوابارك و المسيله هذيل اذا انتي وزوجج ما انصحكم تروحون لانكم ماراح تتسبحون بس اذا معاكم اطفال عادي روحوا
عندج طبعاً السينمات تلقينهم بالمجمعات
ولا تطوفين الافنيوز لانه مجمع يديد وكبييييييييييييير
الاكواريوم روحي ترا ونااااااااسه
المطاعم وايد بالكويت تلقينهم على كبر خط البحر
في مطعم لبناني عالبحر اسمه عبدالوهاب لاتروحين موحلو ولا فش ماركت اللي عالبحر لاتروحين ولا برج الحمام مايمدحونه هههه شكلي ماخليت شي لا لا في مطاعم وايد
عموماً حياج الله حبيبتي و إن شاءالله تستانسين في صيفنا الحاااار
الاماكن ع8ندج المركز العلمي فية الاكواريوم والسينما i max والدسكفري وايد حلو وفية مطاعم يعني يبيلة يوم
وعندج مجمع ديكفري يم الصالة التزلج وايد حلو فية العاب حلوة حق اليهال وفي محل العاب عند حديقة شرق وايد يونس
وعندج حديقة الشعب وحولي بارك ومرح لاند والمدينة الترفيهية كلهم فيهم العاب ويبون يوم كامل وعندج الاكوابارك يم الابراج العاب مائية
والمسيلة بعد العاب مائية وعندج صالة التزلج حلوة ونيسة والواجهات البحرية عندج الجزيرة الخضرة حلوة تتمشون على البحر
وعندج bhs في السالمية حلو يونس فية مجسم شجرة تونس تونسو وبعدين روحو مطعم جنجل فوق يونس اليهال في حيوانات وسمج
تقدرون تحجزون عبارة وتتمشون في البحر تحجزونها عند سوق شرق او مطعم مركز سلطان واذا تبين معلومات دقيقة حاضر
بس لو تفيدوني بعد في اسامي السوقه اللي عندكم مب شرط يكونون مجمعات
تكون اسعارها حلوة
اذا حابه اسواق حلوة واسعارهاا مناسبه عندج اسواق الفحيحيل منها مجمع الكوت ومجمع اجيال وسلمان الدبوس ومجمع المنشر ومجمع العنود كلهاا اسواق حلوه واسعارهاا مناسبه وياحلااااااات التمشي فيهااا
واذا حابه اشياء شعبيه ووهدايا حق حريم كبار عندج سوق الصباح يمدحونه