منتجات boots تجربتي بعدستي :)

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

شلونكم بنات ؟؟

قعدت ساعة افكر وين احط الموضوع ..
بقسم الشعر ؟ والا العناية بالبشرة ؟ والا وين بالضبط (مشرفة ضايعة) ..
بس جنه هني اصلح مكان ..

ماطول عليكم ..
انا فيني ادمان شي اسمه بووتس احبها من قل لا يفتحونها بالكويت ..

وحبيت اتشوفون شغلاتي اللي اشتريها من بووتس ..
واللي تبي تثري الموضوع وتدلي بدلوها وترز صورها حياها الله …

اول شي

كريم للريول + سكرب ..
السكرب ما عجبني حيل ..
بس الكريم شي خطير نفس مفعول كريم شول جان مجربينه بس هذا ريحته احلى والطف واظرف ..
يعني انا احسه من المنتجات المميزة عندهم ..

اللي ع اليسار الاخضر المخوضر ملوخيه هذا ميكب ريموفر ..
بس لا تاخذونه .. مو حلووو ..
اول شي يدبق .. ثاني شي يحرق العين مع انه للعين الحساسة .. ثالث شي م يمسح عدل ..

اليمين الفوشيا هذا بخاخ قبل السشوار حماية ..
ما جربتوووش .. بس رفيجتي وايد تمدحه ..

اليمين كريم للجسم على فراولة ريحته اتهبل وشكله ايشوق جنه برد ..
انا عجبني اهوه ما يرطب وايد بس انا ماحب شي ثقيل ويدبق هذا خفيف ..
بسرعة تتشربه البشرة وحسيته ينعم بعد .. وريحته حلوة
اليسار شورجيل على فراولة ..
كان عليه عرض وخذيته .. كويس وريحته حلوة ..

هالحلوين الاثنين اخذتهم بالعرض بعد ..
شامبو .. وبلسم .. بالعسل الواحد فيهم بنص دينار .. فقط
وحجمهم شكبراا 500 مل ..
قلت بجربهم عن خاطري ..
ان ما عجبوني بعطيهم خدامتي ..
متعتها تاخذ تجاربي الفاشلة

يتبع ….

14 تعليقا على “منتجات boots تجربتي بعدستي :)”

  1. هذولا حبايبي ..
    اللي ما جربتهم .. لا يطوفونها ..
    شامبو .. وبلسم .. وبخاخ leave-in conditioner .. على كوكونت والموند اويل ..
    انا اول جربت البخاخ يعطي الشعر لمعة ويطخخ الفلافل والسبرنغات لذوي الفلافل (مجربته على فلافل بنتي) ..
    جان اجرب الباقي والا شحلاااااتهم ..
    الحين هذا شامبوي المفضل ..

    والكوندشنر هذا بالحنة اتوقع كلكم عرفتوووه
    انا جربته من عقب ما مدحته الاسطورية يزاها الله خير والله يشافيها يارب ..
    والله حلو وهم جربته على شعر بنتي وايد مشى معاها ..

    وهذا شي جميل ..
    كريم مرطب .. وفيه حماية .. ولون بسييييييييييييط ..
    يعني ماجنج حاطة شي هذا اساسي المفضل حق الدوام ..
    حددددده طبيعي وسريع وعملي ..
    بس ترى خفيف !! اللي تحب الثقيل او بشرتها فيها عيوب ماراح يعجبها ..

    شغلات حق اليهال ..
    شور جيل وشامبو ..
    كويسين .. بس ريحتهم وايد خفيفة ما حبيتهم وايد ..
    عندي ولاء لجونسون

    اخر صورة صورتها بآخر لحظة من تلفوني
    كريم للبامبرز حق البيبيات ..
    ممتااااااااااااااااااااااااااااااااااااز
    انا كنت استعمل سودو كريم ..
    هذا ارخص .. واكبر .. واخف ..
    عجبني اكثر قمت اخلي سودو كريم بس اذا في مشاكل !!!

    وبس خلاص ..

    انشالله يعجبكم الموضوع ..
    واللي عندها تجربة .. حياها الله

    رد
  3. اييييييييييييي رفرف يعطيج العافيه
    ولكم باك للهمه والنشاط
    وااااي على الآي ريموفر ويع كخ حده ويع
    يدبق يدبق
    حمام زيت الحنا في منه الأفوكادو ودوار الشمس جربتهم وايد حلوين
    وشفتي السبراي الوردي ترى حلووو

    وجربي السيروم مال بوتس الصغير تقريبا بثلاثه وخرده وايد حلووو حق الكشه

    شكلي بييب مثلج الشامبو العملاق حق خدامتنا
    وشوقتيني على الشامبو الكوكو نت
    وخبرج مرات في شعر يكون متطاير يعني مو كشه لااا تكون شعره ضاربه مالها والي يبيلها السبراي اللي قلتي عنه

    انا لا دشيت بووتس ما اطلع الا بعد ساعه لووووول
    مشكوره حبوبه

    رد
  10. خوش موضوع رفرف

    انا جربت السيت مال الكوكونت ايننننننننننننننننننن كله
    الشامبو حتى لو بروحه اينن
    والكونديشونر بعد
    والبخاخ روووووووعة والاهم انه ما يدهن الشعر

    بس يويلكم ان رحت ولقيته مخلص

    وكريم الحفاظات عاد هذا رفرف بعد عمري يايبته لي نقصة حق بيبييي ان شاء الله

    اول هدية بحياته

    انا بصراحة احوس ببوتس في اماكن ثانية مو صوبكم

    بس تذكرت جربت الاساس وانا اللي قايلة حق رفرف عنه اصلا بس ترى اهوميزته انه مرطب واساس بنفس الوقت حق العيزانين مثلي
    وفي درجتين بس منه غامج وفاتح

    رد
  11. حياكم الله بنات

    اقووووووووووووول
    اللي تبي العرض خل تروح بووتس مارينا امس رحت الا كريم الريول موجود وسيت الكوكونت موجود كله وخذيتلي شغلتين هم بو 500 فلس عرض بس ما جربتهم اجربهم واقولكم ..

    خذيت ميكب ريموفر ماتوووب نوع ثاني انشالله يكون حلو
    وشور جيل على باشن فروت ريحته عصييييييييير ..

    وبس دمتم سالمين ..

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.