منو زار الريف الفرنسي ؟؟؟؟

7 تعليقات على “منو زار الريف الفرنسي ؟؟؟؟”

1. هلااا حبيبتي…أم السنع

   والله شوووفي الريف الفرنسي لا يعلى عليه…بس انتي كم مدة الرحله.؟؟

   شوفي اذا انتي قاعده اسبوع في باريس فمايمديج تروحين للريف استانسي في باريس أحسن …واذا بتقعدين أكثر…الريف الفرنسي يستااااهل العنوه بس حده 3-4 أيااام….

   عندج مدينه انسي وشامونيه…شامونيه فيها جبااال المونت بلانك وثلج بالصيف((أقصد الثلج الأبيض اللي اماعمره طق عندنا))

   ودرجة حرااارتها بالصيف 7-6 درجاااات وطبيعه آآآآآآآآه خياليه وأمطار وخير…يعني صج بتحسين بالأجواء الأوربيه

   اذا بتروحين لها بالقطار يمكن المسافه 4-5 ساعات لأن القطار يتوقف بعدة محطات..

   واذا تبين أي استفسااااااار أنا تاكسي تحت الطلب …أتمنى اني أفدتج

   

   ---

   ---

   رد
2. حبيبي مشكورة وما قصرتي .. صج استفدت بس احتريييييييييييت شكل المنطقة اهيا الشي اللي انا قاعدة ادور عليه بس للأسف انا قاعدة بس اسبوع

   يالله اليايات أكثر ان شاء الله .. عشان تصير حجة المرة اليايه ان ما شفنا الريف الفرنسي

   ---

   ---

   رد
3. واااااااااااي حتى انا بروح باريس 5 أيام بس أبي طبييييييييييييييييعه

   ---

   ---

   رد
4. ???? وينكم ؟؟؟؟

   ---

   ---

   رد
5. آآآآآآمري جاكليت …موجودين

   ---

   ---

   رد
7. اشكثر يكلف السفر إلى باريس ؟؟
   وإذا بس اروح الريف لازم أنزل في باريس ولا اشلون ؟؟
   خاطري بطبيعة حلوة ارتاح وانسى الهم والشقى …

   ---

   ---

   رد
8. حبيبتي بي هابي …بصراااحه على حسب أنتي وصرفج..

   فيه البعض مصروفه مايتعدى 400 دينار طول المده وفيه بعضهم 1000-2000

   انتي شنو تبين غير الوناااااسه …اعملي حساب التذاكر..اذا انتو شخصين من 500-600 دينار داااااااايركت واذا ترانزيت يطلع أرخص…الفندق ممكن يكلف 200- 400 ا…تقريبا يوميته 40 – 50 دينار هذا فباريس أما بالريف تلقين أسعااارها أرخص طبعا أنا حطيت لج فندق نظيف و4-3 نجوم لمدة أسبوع – 10 أيام هذا سعره …وفيه أقل من هالسعر بعد…

   انتو ماراح تقعدووون بالفندق طوووول الوقت …أهم شي وقت النوم يعني ماله دااااااااااعي الفنادق الغاليه…وعندج الشقق الفندقيه تقريبا نفس أسعار الفنااادق المتوسطه وأسعارها حلوه مو غاليه..

   والمصروووف المطاعم المزارات السياحيه ممكن من 40 -50 ديناااااااار أو أقل بكثيييييير يعتمد على المكان وعلى صرفج يا بعد قلبي

   وتقدرين تروحين للريف الفرنسي من باريس بالقطاااار وراح تكون المده من 4-5 ساااعات…وتذكرة القطااار مو غاليه يمكن 40 دينار أو أقل…وتقدرين تطلعين للريف الفرنسي من جنيف وراح يكون أقرب الطريق ساعه وحده بالقطاااار

   وعندج الرييييييييف الفرنسي مو طبيعي …خصوصا آنسي وشامونيه اذا رحتي لهم بتدعين لي

   اتمنى أني أفدتج يا قلبي …اي استفساااااااار على الرحب والسعه

   ---

   ---

   رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.