وين احفط مجلاتي الوايد ؟؟

14 تعليقا على “وين احفط مجلاتي الوايد ؟؟”

1. شدعووه بنااات ويينكم

   ---

   ---

   رد

2. حبيبتي يبيعون أرفف و خزانات تقدرين تحطين فيهم مجلاتج

   و إذا كلِّش كلّش .. حطيهم بكراتين بطاط كتكو و قطيهم فوق السطح _shh_:

   ---

   ---

   رد
3. آنا من رأي أختي سبايس قريل حطيهم في كرتون يبيعون في إيكيا حق مجلات أو أغراض..

   أو مثل تبروير وحق ألعاب ملوت يهال حطي مجلاتج فيهم و حطيهم داخل كبت ماتستخدمينه وايد أو حطي في كبت ..
   آنا مثلج أقرا مجلات واللي يعجبني أخذه وأحطه في ملف أو صندوق وأكثر شي مجمعه مال أكلات و فنون (الرسم وطرقه و هوايته)

   سوري طولت عليج وهذول أحسن طرق ..

   ---

   ---

   رد
4. إي والله انا بعد أبي طريقه مرتبه حق تخزين المجلات

   انا عند كل أعداد مجلة الأسطوره
   بصراحه مااقدر استغني عن ولا عدد ..

   في سلال مربعات بحجم كراتين الكتكو على قولة سباي قيرل
   تقدرين تحطينهم فوق الكبت وتعبينهم مجلات ..

   انا شفتهم في دريم مول و وصيت أمي اتييبلي جم وحده
   أو أفكر اخذ رفين من مكتب الوالد حق مجلاتي ..

   اممم .. هم دام عندج بنوته عندي فكره حلوه
   صناديق الألعاب الكبار اشتريلج واحد حطيه في غرفة بنوتتج و حطي فيه مجلاتج ..

   واذا لقيتي أفكار يديده هم فيديني

   وبالتوفيق

   ---

   ---

   رد
5. الاخوات ماقصروا بس انتبهي من الرطوبه

   يعني لاتحطينهم بالمخزن لان الرطوبه تسبب بلاوي للمجلات

   ---

   ---

   رد
7. لازم تتهوى المجلات بوقت التخزين علشان لاتيها الارضة

   ---

   ---

   رد
8. انا ناوية اقص الصفحات الي ابيها واستفيد منها واحطها بفايل واقط الي مابي

   ---

   ---

   رد

9. اقتباس:

   المشاركة الأصلية كتبت بواسطة brownness انا ناوية اقص الصفحات الي ابيها واستفيد منها واحطها بفايل واقط الي مابي

   نفس راي الأخت .. ناوية أسوي تصفية عليهم وآخذ الصفحات أللي أبيها وأفيلهم …..

   الترجمة أفيل = أحطهم في ملف

   ---

   ---

   رد
10. بالنسبه لي الصراحه اقصن منها اللي ابيه يعني كم صفحه والباقي اتبرع فيها لعيادات واخذهم لدوام غيري يستفيد منهم

    ---

    ---

    رد
11. فكرت بسالفة القص و ما قصيت الا من مجله وحده احس هالحركه يبيلها فضاوه معنها خووش فكره

    مشكوووورين بنااات و جاري التفكير في حل

    الي عندها بعد افكار لا تبخل علينا

    ---

    ---

    رد
13. حطي الكميه الكبيره بسطح او المخزن اي مكان …….وشتريلج رف او سله تكون تحت السرير تشيل 30 او 40 مجله وكل ما مليتني من الي عندج روحي المخزن وبدليهم

    ---

    ---

    رد

14. في افكار كثيره ممكن تسوينها و انا بساعدج بهالصور

    

    

    

    

    

    

    

    

    

    و الصوره الاخيره حق السيديهات – – – بس في عند ايكيا نفسها بس حق المجلات و تتعلق بالطوفه

    وس

    و اتمنى اني اكون افدتج

    ---

    ---

    رد
15. انا مثلج اتحسف اقط المجلات عاااااااااااااااااااد اشكثر عندي

    عاد اقولج شنو سويت

    المجلات اللي ما اقدر اقص منهم احفظهم بكراتين اكيا عشان يكون شكلهم حلو بالغرفه واللي فيهم صور ابيهم اقصصهم والزقهم بدفتر

    والمقالات اللي ابيهم احطهم بفايلات واشوي اشوي لما خلصت من المهمه الصعبه

    ---

    ---

    رد
16. بنات فوق السطح احس وصخ لو كان بغرفة انا بعد اعاني والله الحين قاطة فوق ال500 مجلة عاد اطالعهم اقول كل وحدة اكثر من دينار لو ماخذة فلوسهم وشاريتلي جنطة ماركة خخخخخخ بس جد قطيت وايد والحين صفيت على اهم المجلات طبعا فوق 300 مجلة بس حاطتهم بكبت والي قاصتهم بس من سجلت بالمنتدى للامانة قمت ما اشتري وقتي كله لكم حبايبي هههههههههه

    ---

    ---

    رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.