التصنيف: نساء وحمل و ولادة

السلام عليكم

شلونكم صبايا

اللي ولدو بالأمومة حبيت اعرف منهم شلون كانت التجهيزات بالمستشفى وشلون كمامهم

وبعد بعرف منو احسن دكتورة بالنسبة للخياط

واكون شاكرة لكم

بعد صبر تسع شهور الله رزقنى بلولوة والاهم انها بصحه وعافيه والف مرة الحمدالله ………
ولدت يوم الثلاثاء 1111 الساعه 9.30 بليل بمستشفي هادى عند الدكتورة دلال السالم ………..

الله يسهل على الحوامل ويرزق كل محرومه يارب ومانسيت بنات تجمعنا العسل بالدعاء وبعد مانسيت اختنا المهذبه

السلام عليكم
انا الحين باخر اسبوع من التاسع ومراجعتى كانت اليوم الساعة11 الظهر عادية بس مراجعة مافينى شى لا الم راحية جذى عالبركة حتى كنت بطنش اليوم مانى رايحة وبخليها حق بكرة
المهم لما افحصتنى الدكتورة قالتلى مفتوحة 4 سانتى استغربت قلت اشلون وانا ما حسيت باي عوار او طلق قالت عادى لانه رحمج من النوع السميك مع انه بولادتى الاولى ماقالولى جذيه المهم قالتلى لازم اسويلج دخول للمستشفى الحين رفضت بس زوجى اصر انى ارضى وادخل اليوم قلت اوكى بس اروح البيت اجهز اولدى والخدامة علشان اوديهم بيت اهلى ورحت البيت وجهزتهم ووديتهم وبعدين شفت نفسى فينى نوم قلت خل اقعد فى البيت احسن انام اشوى بعدين اروح الحمدالله فافينى الا العافية وهاذى انا ليما الحين قاعدة فى البيت مارحت ماادرى اشرايكم اروح الحين ولا اقعد لما احس بشي او طلق مع انه الدكتورة خرعتنى وقالت اشلون تطلعين وانتى مفتوحة 4 سانتى اذا بتطلعين على مسؤليتج عالعموم انا سويتلج ورقة دخول ما ادرى اشرايكم انطر اليوم واذا ما يانى عوار اليوم شسوى

وانا خايفة الدكتورة تقولي دخلي اليوم مو للله لخاطر البيزات بس وبعدين يطلعون روحي ويتعبثون فينى وانا والله ما همتنى الفلوس اهم شى صحتى

اشرايكم اسمع كلام الدكتورة وادخل الحين ولا انطر اشوى فيدونى جزاكم الله بالجنة يارب