التصنيف: الحياة الزوجية

بكتبلكم من حرة قلبي …

البنااات الحين مادري شفيهم ينوا؟؟؟

تدري ان الريااااال متزوج .. وتكلمه والمشكله تقووول أحبه ويحبني !!!!!

انزين الحب الي تتكلمين عنه بنيتيه على شنو على حيااة انسانه ثانيه وبيتها وعيالها ,, انزين ان كان الاساس غلط شنو تترجين تكووون النتيجه ؟؟

أبي أقووول وأبيكم تقووووولووون معااي حق أي وحده تسوي هالشيء فكري .. لا تقولين هالريال يحبني هالريال ما يحبج يحب نفسه لو يحبج جاان ما كلمج واهو متزوج وعنده عيال .. هذا الريااال يحب نفسه لو يحبج جان ما سوى جذي مثل ما هان علييه ضنااااه عياله الي مافي اغلى منهم , ان يهدهم وييلج راح تهونين عليه بيوووم من الايااام ترى ( من خان لأجلك يخونك)
أبيج تفهمين وأبيكم ترتاااحون يا بنات وكل وحده تقوول ريلي خاني لا تنقهرين ..
الي خانج معاها ريلج بييها يوووم صدقيني والله راح ييها يوووم ..صدقيني كل ضحكه ضحكتها مع ريلج على حسابج وكل شي سوته معاه وكل شي خذته منج وسوته معاااه بالحراااام ,, بيييها يوووم يصير فيها نفس هالشي ,, لا تتضايقين وتبجين مثل ما سوت فييج بيصير فيهاااا…

دام انها كانت تدري ان متزوج وكلمته وتمت معاااه ,, حسبي الله عليها وعليه وقلت عليها اول لان رياااال مهما يكوون يشووف وحده جدامه وان بغاها لقاها ويايتله عالجاهز وما راح يتحمل مسؤوليتها يتم معاها مرتااح ييله كل شي ..

بناات انا كتبت لكم من حرة قلبي من وايد أشياء صارت بحياتي ,, ومؤخرا مع بنت عمتي فعشاااان جذي ميته من القهر من البنات الي ما يخافون ربهم ووقحين لدرجة اني اعرف وحده تقووول حق بنت عمتي انا احب زوجج شسوي ما اقدر اكتم مشاعري ,, بقولها ترضين على نفسج تسمعين هالكلمه من وحده عن ريلج ..

حسبي الله ونعم الوكيل ..

أبي آرائكم وتجاربكم بناااات .. طفوا النار الي بقلبي ..