الوسم: الابلات

السلام عليكم

اشلونكم عساكم بخير

الحمدالله تخرجت من كلية الاداب بتخصص فلسفه ومساند تاريخ

وبصراحه ناويه اصير مدرسه

بس سمعت ان تخصص فلسفه مو مرغوب فيه فراح يقطوني تاريخ

بس اللي سمعته ان راح يودوني ثانوي

بغيت اعرف الحين بشهر 3 اقدم على الديوان صح؟

احط ارقامي ورغباتي صح؟

وبعدين يطلع قبولي وين اروح المنطقه التعليميه والا الوزاره نفسها؟

وبخصوص المقابله كوني اصير مدرسه اجتماعيات اشراح يسألوني فيه؟

سمعت ان بيقولون ليش اخترتي تربيه وانت اداب واشلون تعرفين حق طرق التدريس؟ وبعد بشنو يسألوني

والتحريري راح يكون عن شنو

وهل اقدر اتوظف على شهر 4 والا راح انطر السنه اليايه

بليز بليز قوليلي التفاصيل والله يعطيكم العافيه

هاي بنات شلونكم شخباركم

اليوم ابي كل وحدة تقولي
اي موقف صار لها ويا اي ابلة

انا عن نفسي
بحط احلى موقف سويته

مرة حطيت على الكرسي مال الابلة عصير منجا والابلة قعدت عليه ويوم قامت ولا من ورا كله عصير
ويوم لفت كل البنات ضحكوجان تلف وتقول شفيكم تضحكون والبنات نجلوني جان يقولون انه هدومج من
ورا كله عصييييير ! ويوم قالت منو الي مسوي جان البنات كلهم ياشرون علي وطبعا الابلة ودتني الناظرة
والناظرة والوكيلتين والاخصائية الاجتماعية والنفسية كلهم حافظيني جنه ماكو بنات بالمدرسة غيري

من ضيقة الخلق اليوم قام احش بابلة انا ورفيجاتي والابلة ورانا وسمعت كل كلمة نا قلتها
وطبعا ودتني الاخصائية
لووول

انطر ردودكم بفارغ الصبر

السلام عليكم حبيباتي
بما ان هذا القسم للمعلمات ابي اعرف منهج اللغه العربيه والانجليزي لمستوى الاول الابتدائي منو اللي قادر يفهمه ومنو الابله اللي قدرت تسهله لطالباتها وتوصله صح احنا اولياء امور تعبنا من هالشي وياريت الطالبه تستفيد للاسف صارت الطالبات تكره المدرسه وتكره الابلات وطول اليوم صياح ونكد بالبيت حرام عليهم الاطفال يتخرجون من الروضه مايعرفون الحروف ولا الارقام للاسف ايونهم بالمدرسه جمل ونسخ واملاء شي يتعب واجبات واختبارات بسم الله توهم صف اول وهذا كله! ! واللي يقهر لارحنا نتكلم نبي نفهم للاسف محد يعطي اي اهتمام للموضوع احنا ندري ان الوزارة حاطه المنهج الفاشل بس الابلات لهم دور يحببون الاطفال فيه رغم صعوبته بس للاسف انا اتكلم عن مدرسة الاندلس الابتدائية نظام فاشل وابلات اجنبيات قاعدين يوصلون اللغه العربيه والانجليزيه بلهجتهم لعيالنا وهذا غلط الناظرة مو مهتمه والمديرة المساعده نفس الشي واخس والطالبات ضايعين حرام عليهم اهم شي انهم شادين حيلهم انذارات للطالبات الغايبين بدون عذر بخصوص انهم بالجامعه مثلا هذيله اطفال وسنه اولى طبيعي تقوم الطفله من النوم تبجي ماتبي المدرسه ادا ابله الرياضيات تطقها وتقولها الله يلعنج وتبجي وتخاف تروح المدرسه اكيد تضطر الام تغيبها وغير اذا مريضه مو لازم العذر الطبي شدعوه الصراحه شي ينرفز ومحد مهتم عيالنا قاعد تضيع سنه من عمرهم وللحين مايعرفون الالف والباء الرياضيات الارقام يضيعون فيها انا سالت شلون نظام البحرين في التعليم وما اقدر اقارن كل ديره لها نظام معين بس اللي يبط الجبد ان الطفل يتخرج من رياض الاطفال عارف كل الاحرف وكل الارقام باللغتين ويقرا قصه ما ابالغ انا شفت بعيني وانا بنتي بالصف الاول مو قادره تتهجأ حرف واحد تشير لما اقولها اقري لاحول الله ودي ابله تفهمني من ابلات اللغه العربيه وابلات الانجليزي للصف الاول واكون جدا شاكره لاني رحت للمدرسه انا وكذا ولية امر وما عرفنا منهم لا حق ولا باطل وما اهتمو ولا بكلمه للاسف. انا قالولي ان مدرسه الاندلس من افشل المدارس فمنطقة الفروانيه للاسف وان شاللله الكلام موصح اتمنى

السلام عليكم ، شلونكم و شخباركم ؟ابلاتي حبيباتي انتو اكثر الناس اللي تعرفون المدارس و ما فيها انا هالسنه بروح عاشر و خايفه من اللي ياي انا خذيت راي الطالبات الحين ابي راي الابلات بهالمرحلة و شنو اصعب شي فيها و الشغلات اللي لازم اركز فيها عدل ؟
ومشكورين وما قصرتوا .. للي تدرس بمدرسة معاذة الغفارية اكيد تعرف نظامهم فيارب انها تفيدني
ومشكورين لان هالأشئله فيها وايد افاده للطالبات اللي بيدشون عاشر هالسنه

باي

بسم الله الرحمن الرحيم

السلام عليكم ورحمة الله وبركاته
مساء الورد والياسمين

شلونكم ابلات شخباركم؟
وشلون التصحيح والمراقبة معاكم..؟

طبعا انا توني مترشحه للتربية وللحين ماخلصت المقابله والامتحان يعني ماراح اباشر عمل الا شهر 9 انشالله
دعواتكم بليـــز..!

والحححين بدش بالموضوع بصراحه طرت على بالي فكرة

كل ابله تكتب لنا المواقف اللي صارت لها داخل الصف مع الطالبات
سواء موقف خلها تضحك او تعصب او تنرفزت
ونشوف شلون كانت ردود افعالكم وشلون تتعاملون مع الطالبات خاصة المشاغبات
وعشان كلنا نستفيد..!

وانششاله الموضوع يعجبكم …خلونا نضحك ونشوف سوالف البنات …!

لكم كل الحب والتقدير والاحترام وزهور اللافندر..!

تحياتي لكم..