شلونكم بنات
اليوم بكتب لكم سالفه فررررررش توها صايره جدامي وللاسف سالفه تحر الجبد
الي صار ان زميلتي بالشغل وهي صديقه عزيزة علي جدا من مده قالت لي انها اكشتفت ان زوجها راعي سوالف مغازل وبنات طبعا اهي اكشفتته عن طريق لاب توبه الحبيب كان يراسل وحده من تونس ومتولع فيها وهذاك الحجي الحلو والغزل الي يذوب الصخر وطبعا ابو الشباب مع رفيجيتي المسكينه ابد عنتر زمانه
وكانت رفييجتي قررت واجهه لكني قلت لها صبري عليه فتره وارح يمل منها لكن الي حصل ان زوجها تولع بالبنت وباسلوبها الي تقول كله مياعه ومصاخه وطبعا هالحجي عرفته من سجل المحادثات الي اكتشفته باللاب توب لان ريلها غشيم ومامسح السجلات
الخلاصه بعد ماقنعتها انها لاتواجه زوجها ورضت تنتظر لين نشوف اخرتها مع زوجها روميو
فجاه ولا يقرر يروح تونس وطبعا عطاها جذذذذذذذبه ماتترقع
قالها انا بروح ضمن وفد وبقولكم ليش نقول انها جذبه لان ريلها جندي بالجيش ولا يتعدي صلاحيانه سوي حراسه بوابه
شرايكم
المهم البنت قالت مو مشكله دام للشغل روح
ولما سالتني قلت اسكتي عنه نزوة وبتعدي
الحبيب سافر واخذ له اسبوعين زمان ورد
تقول رد وهو متشقق والكشره طالعه حتي بلاعميه
واسلوبه متغير وياعمري وياقلبي وشنو تامرين وشنو تبين
قلت هذا عز الطلب وان زوجها راح وشاف البنت وانصدم اكيد من جذي تاب لله ورد لبيته وام عياله وقال خلني اقضب ارضي
وبعد فتره رد سافر مرة ثانيه وهم نفس الجذبه ورفيجتي ابدا مامنعت بالعكس قالت خليه يروح يوسع صدره خصوصا انه رايح مع رفيجه المتدين والثاني ايضا ملتزم وهالحجي يطمن اي مرة
وسافر الريال ونفس الشي رد وهو راضي ومبسوط والنفسيه عسل
وجايب الهدايا والاطايب والبنت متشققه وتمدح وفجاه بعد يومين من ردته من السفر كانت رفيجتي بالدوام تبي تسوي لريلها مفاجاه واستاذنت علي اساس تشتري لها قمصان نوم وتجهز له ليله حلوةةةةةةةةةةةةةةةةةة
راحت لمجمع معروف وكبير وهناك شافت ريلها مع وحده شمحوطه تقول للقمر قوم وانا اقعد مكانك
ومن القهر راحت واتهاشوت معاه وطقه المرة الي وياه
عاد زوجها قام يطقها بس هي ماسكتت ظلت تفضح وتصيح في جان قلها هذي زوجتي
والي عندج سوي
انتي طالق الله يلعنج ويلعن هلاقتج
هني مسكينه الصدمه شلت لسانها وتقول ماعرفت ابجي ولاااضحك الحين انا زوجتك ام عيالك تطلقني عشان هالاشكال ولا تقول هلاقه جدامها يعني مافي شي فيني زين
والحين نفسيتها تعبانه وريلها ابدا ولا تاثر ولا يفكر يتصل عليها
ولا فوق هذا قط عيالها عيها بيت اهلها وقال مابيهم
واخوانها ردو قطو العيال عليه
تخيلو عاد مرته شنو سوت
قالت عادي انا اربيهم شوفو العياره
ومسكينه رفيجتي بس تشكي وتبجي ومالها غير كله حسبي الله
تهقون ريلها يرجع لصوابه ولا خلاص طارت الطيور بارزاقها
وراح ابو عيالها
ونصايحكم لها
