مرحبا بنات
بنات انا من فتره وانا اعاني من افرازات صفرا وريحه كريهه
ورحت المستشفى من تقريبا 8 شهور ولما رحت للدكتوره ماكشفت علي عشاني بنت وقامت تسألني وانا اقولها جديه وجديه
وكنت اعاني وقتها من دخول الحمام بزياده
سوتلي تحليل بول وقالتلي عندج صديد شديد في البول والتهابات فطريه
وعطتني مضاد وغسول وصرت زينه اسبوع وبعدها ردلي مره ثانيه
وهالفتره زاد علي البول المتقطع بزياااده وكمان الافرازات متعبتني خاصه اني مخطوبه
رحت لدكتوره ثانيه امدحوها لي بنات وايد وقالولي ننصحج فيها خبره وبنات وايد راحو لها متأخرين عن الحمل واحملو
المهم رحت لها وقالتلي غصب طيب الا تبي مسحه مني
قلتلها اشلون انا بنت قالتلي لاتخافين ومدري ايش
واخدت مني المسحه وسويت بعد تحليل بول وقالتلي بعد نص ساعه بتطلع النتيجه
رحت لها وقالتلي البول عندج طبيعي مافيه شي بس عندج احتقان في الرحم من البكتيريا
ومافيج غير التهاب بكتيري مرررره خفيف وقالتلي مافيج ريحه اصلا .gif "Eh S(12)")
وانا مستغربه لان الريحه قويه قويه حيل واهي تقولي مافي ريحه استغربت منها وتقولي البول مافيج التهاب ولاشي وطمنتني وااايد , ولما قلت لاهلي قالولي مدام انها ماخده منج مسحه يعني اكيد علاجها بيكون مضبوط افضل من الدكتوره الاولى اللي بس اسألتني وجاوبتها وللحين موعارفه شسوي
والحين محتاره اقول لايكون التحليل غلط والا شالسالفه؟
وطبعا عطتني مضاد وغسول وانا مستمره عليهم وعلى الله الشفا , وقلت بستنى لحد مايعطي الدوا مفعوله وبشوف
اشرايكم بنات اروح مستسفى ثاني اكشف والا اصدق كلامها؟
ريحوني وايد احاتي