الوسم: الصبيان

السلام عليكم
بقولكم سالفه صارت معي اليوم يوم راجعت العياده لتاخر الانجاب
انا صارلي 6 سنين ماربي مابعد ارادلي انجب وقررت اعلاج
كنت اعاني من ارق في فتره صارتلي وطولت قعت تقريبا سنتين وانا في ارق مانم عدل
او بالاصح مانم
وبديت اتوهم اني اشوف عيون قطو علي راس سريري قلت اتوهم ماصدقت نفسي
ثاني مره نفس الحكايه قلت لخواتي قالو توهمين … وكذبوني
وبعدها بفتره مو بعيده حلم ان فيه رجال دخل غرفتي كنه زوجي وكني صاحيه مو نايمه حسيت فيه
يالمسني والله احس بيدينه علي كتفي المهم هذا الكلام علي الساعه 10 الصبح
قلت غريبه جاي مبكر وماشفت وجهه بس هيئته هيئه زوجي بس كانه كله اسود ماتاكدت من لونه الابعدين
يوم دخل زوجي صج من الباب وقط مفاتيحه علي الطاوله
واطالع من كان اللي بجنبي ماخذيت الا اهو رايح الي اخر السرير صوب رجولي الا واحده لونها اسود كنها ظل لها شعر طويل تمسك في رقبته واهو يبتسم اوصوت الابتسامه
كنه يبي يجمعها مثل مسوي وياي انا ماشفت الاراسها ويدينها تحاول تمسك في رقبته كنها تحييه

هذا الحلم تكرر وياي الرجال يجيني بس اهي ماطلعت

المهم هذا كان يصير ويااي
كان تجلس وياي حرمه ويااا امها سبحان الله كان ربي مسخرهم لي
كنت اسولف ويا البنت الحامل عن الخدم والخاربيط مادي شنو الا تسالني انتي حامل اقولها لا انا مابعد واقولها انيلي 6 ستوات ماحملت كانت تقول ان اختها ما حملت الا بعد 5 سنوات واقولها سبحان الله
قالت ايه والله كانت تحمل وتجهض
وتسولفلي عن اختها قلت والله ربي ماقدرلي الي الحين وانا لي سنتين اعالج كان تلتفت علي امها قالت خاف وياج التابعه
قلت بسم الله علي وشنو التابعه
قالت انتي تحلمين بقطو اسود قعدت افكر قلت لا قالت طيب حرمه سودا هني بس جاتني رعشه ونفضه

احس بقوتها شعري واقف
وتذكرت المراه اسوداوالرجال الاسود وتذكرت القطو مره واحده
قلت ايه
قالت خلااااااااااص فيج التابعه لازم تقرين

والله ياخواتي الي يومكم هذا ماعرف غير ان التابعه جنيه تمنع الحمل تجهض بالحوامل و وكله باذن الله

وابيكم تفيدوني اللي تعرف وحده فيها تابعه او اهي فيها تابعه

تعلمني شنو القراء علي نفسج وشنو علاجها والرقيه اللي ترقين فيها نفسج
وهو صحيح فيني تابعه ولا لا

فيدوني